فاروق آباد ( سٹاف رپورٹر) صدر انجمن تاجران محمد احمد مقبول نے سابق گورنر پنجاب چوہدری محمد سرور سے خصوصی ملاقات کرکے تحریک انصاف میں شمولیت اختیار کرلی ۔بتایا گیا ہے فاروق آباد کی معروف سیاسی شخصیت سابق کونسلر ،صدر انجمن تاجران لاری اڈہ اپروچ روڈ محمد احمد مقبول نے پاکستان مسلم لیگ (ن) کی عوام دشمن پالیسیزاور نااہل مقامی قیادت سے بیزار ہوکر پاکستان مسلم لیگ (ن) کو خیر آباد کہنے کا اصولی فیصلہ کر لیا اس سلسلہ میں سابق ناظم چوہدری صابر حسین بھٹی ،سعید شاہ ،چوہدری تنویر احمد ورک،سجادہ نشین دربار عالیہ پیر سید حاکم علی شاہ ؒ سید واصف علی شاہ ،اعجاز محبوب ،عاطف کمبوہ ،وقار شاہ ،حافظ عثمان ،محمد عادل سیٹھ افتخار صدر ماں فاؤنڈیشن آف پاکستان،سابق کونسلر حافظ غلام باری کی قیادت میں مشاورت کے بعد چوہدری محمد سرور سابق گورنر پنجاب سے لاہور میں ان کے آفس میں ملاقات کی اور چئیرمین تحریک انصاف عمران خان کی قیادت پر بھر پور اعتماد کا اظہار کرتے ہوئے تحریک انصاف میں باقاعدہ شمولیت کا اعلان کر دیا اور پاکستان مسلم لیگ (ن) کو ہمیشہ ہمیشہ کیلئے خیر آباد کہہ دیا جبکہ ضلعی آرگنائزر تحریک انصاف کنور عمران سعید ،ڈپٹی آرگنائزر شفقت علی کجر،ذوالقرنین ڈوگر بھی موجود تھے اس موقع پر صوبائی آرگنائزر چوہدری محمد سرور نے کہا فاروق آباد میں بڑی تعداد میں ناظمین اور کونسلر حضرات کی تحریک انصاف میں شمولیت خوش آئند ہے انہوں نے کہا کہ وہ جلد فاروق آباد این اے134کا دورہ کریں گے ۔
