فاروق آباد ( سٹاف رپورٹر) نواحی گاؤں بٹر میں گذشتہ رات حاجی طفیل گجر اور جورا دھیڑ گروپوں کے درمیان فائرنگ ہوئی جس کے نتیجہ میں عمران دھیڑ ،سلیمان گجر اورمہنگا موچی نامی شخص موقع پر جاں بحق جبکہ مطلوب ولد منظور ، عمران عرف مانی ولد منظور قوم رائے کھرل، مرتضیٰ ولد منظور ، بلال ولد عباد، فرخ اور غضنفر حسین وغیرہ تقریباً 8افراد شدید زخمی ہو گئے۔دونوں گروپوں میں فائرنگ کے نتیجہ میں حویلی میں موجودمتعدد جانور بھی ہلاک ہو گئے وجہ عناد یہ بتائی جاتی ہے کہ دوسال قبل گاؤں میں ہونے والے میلے میں ناچ گانے کی محفل میں معمولی جھڑپ ہوگئی تھی جس کی رنجش دونوں گروپوں میں موجود تھی حاجی طفیل گجر گروپ کی طرف سے مسماۃ شازیہ بی بی زوجہ محمد سلیمان گجر کی مدعیت میں دائر درخواست میں موقف اختیار کیا گیا ہے کہ ملزمان سٹرک کے کنارے بیٹھ کر شراب پی رہے تھے میرے دیور حاجی سلیم نے ان کو منع کیا اور ان کو گالی گلوچ کر کے وہاں سے بھگا دیا ملزمان کو اس بات کا رنج تھا اور ملزمان نے میرے خاوند کو اندھا دھند فائرنگ سے ہلا ک کیا ہے ۔
