فاروق آباد : ساؤتھ سب ڈویژن کے علاقوں میں سٹی فیڈر کے صارفین غیر علانیہ لوڈ شیڈنگ کی وجہ سے 3دن سے سخت گرمی میں شدید اذیت کا شکار ہو کر رہ گئے،بجلی کی فراہمی بحال نہ ہو نے پر صارفین اور صحافیوں نے ایس ڈی او ، لائن سپرنٹنڈنٹ سے لیکر ایکسیئن تک کو فون کئے مگر کسی نے فون اٹینڈ کرنا گوارا نہ کیا، لوگ گرمی میں ذلیل ہوتے رہے اور افسران لیسکو ،مزے سے سوتے رہے۔ لوگوں نے لیسکو سب ڈویژن کے خلاف شدید احتجا ج کیا ۔بتایا گیا ہے کہ دن کے اوقات اور جمعہ،ہفتہ کی درمیانی شب سٹی فیڈر سے 16گھنٹے بجلی بند رہی، اور رات 3 بجے بجلی کی سپلائی بحال ہوئی۔بجلی کی بندش کی شکایت کے لئے ایس ڈی او ، لائن سپرنٹنڈنٹ سے لیکر ایکسیئن تک کو فون کئے گئے ،مگرایکسیئن نے کال ری جیکٹ کر دی،ایس ڈی او کا نمبر بند ملتا رہا، کمپلینٹ سیل کے دو نمبر بھی جواب نہ موصول ہو نے کا بتا تے رہے، ،جبکہ گزشتہ روزبھی لاری اڈہ کے ٹرانسفارمر کا آئل لیک ہونے کی وجہ سے دن دس بجے سے لیکر شام7.15 تک بند رہی،ایس ڈی او حبیب الر حمان کو بار ہا انکے نمبر 03470011633 پرفون کیا گیا مگر انھوں نے اٹینڈ نہیں کیا۔شہریوں نے ایسے بے حس،فرعونیت پسند افسران کو یہاں سے تبدیل کرنے اور فرض شناس افسران کو تعینات کرنے کا مطالبہ کیا ہے۔
