فاروق آباد : اشتہاری مجرموں کے خلاف کریک ڈاؤن متعدد خطرناک مجرم گرفتارپولیس نے خطرناک مجرمان اشتہاری جو دہشت اور خوف کی علامت بنے ہوئے تھے کے ٹھکانوں پر کریک ڈاؤن کیا اور06مجرمان اشتہاریوں کو گرفتار کیاجن میں اے کیٹگری کا01اور بی کیٹگری کے05مجرمان اشتہاری گرفتار کیے گئے ہیں۔اسلحہ ناجائز کے خلاف پولیس نے گزشتہ روز میں کاروائی کرتے ہوئے کل 06مقدمات درج کیے گئے ہیں اور ملزمان کے قبضہ سے پسٹل 03اور 03بندوق معہ ایمونیشن برآمد کرکے ملزمان کو گرفتار کیاہے۔ منشیات کے خلاف پولیس (تھانہ خانقاہ ڈوگراں اور دیگر)نے گزشتہ روز میں کاروائی کرتے ہوئے 06مقدمات درج کیے گئے ہیں اور ملزمان کے قبضہ سے چرس 540گرام اور شراب 40بوتل برآمد کرکے ملزمان کو گرفتارکیاہے۔افسران بالا کی خصوصی ہدایات پر شیخوپورہ پولیس نے متعدد مجرمان اشتہاریوں کو گرفتار کیاہے شیخوپورہ پولیس نے ملزمان کے کریک ڈاؤن کرتے ہوئے منشیات چرس ،شراب اور اسلحہ ناجائز پسٹل اور بندوق برآمدکرتے ہوئے مقدمات درج کرکے ملزمان کوگرفتار کیاہے۔ ڈی پی او شیخوپورہ نے پولیس افسران کو خصوصی ہدایت دی کہ ملکی پیش نظر ایس ڈی پی او صاحبان ، ایس ایچ او صاحبان اور انچارج چوکیات اپنے اپنے علاقہ میں مساجد ، امام بارگاہ اور پبلک مقامات پر سکیورٹی ڈیوٹی بڑھادیں گشت کے نظام کو موثر بنائیں اور ہر مشتبہ شخص کی سخت چیکنگ کی جائے تاکہ کسی حادثہ یا نقصان سے بچا جا سکے علاوہ ازیں اسکولوں کی سکیورٹی کے لیے ایلیٹ فورس کو 24گھنٹوں کے لیے ہائی الرٹ گشت کی ہدایت کی گئی ہے ان تمام سکیورٹی انتظامات پر جناب ڈی پی او صاحب کی ہدایت پر کڑی نگرانی کی جارہی ہے۔
