فاروق آباد : روٹری کلب آف سچا سودا کے صدر وسیم اسلم نے کہا ہے کہ پولیو مہم کو کامیابی سے ہمکنار کرنے کیلئے روٹین امیونائزیشن پر توجہ دینی ہوگی۔جب تک روٹین امیونائزیشن کا رزلٹ 80فیصد تک نہیں پہنچتا ۔پولیو مہم کی کامیابی محض ایک خواب ہے ان خیالات کا اظہار پنجاب پولیس ہیڈکوارٹر میں انسداد پولیو کے حوالے سے منعقدہ اجلاس سے خطاب کرتے ہوئے کہا ۔اس موقع پر روٹری کلب کے صدر وسیم اسلم، جنرل سیکرٹری چوہدری غلام حسین ۔ ایس ایس پی ہیڈکوارٹر پنجاب پولیس شریف جٹ،کاشف منصور بھٹی بھی موجود تھے ۔اس موقع پر روٹری کلب کے صدر وسیم اسلم نے مزید کہا کہ پولیو کا خاتمہ حکومت کی اولین ترجیح ہے۔پولیو کے خاتمے کیلئے حکومت اور روٹری کلب ڈسٹرکٹ 3272تمام وسائل بروئے کار لا رہی ہے۔اس موقع پر پولیو کیخلاف واک کی گئی اور کبڈی میچ کروائے گئے۔جسکے مہمان خصوصی ایس ایس پی چوہدری شریف جٹ تھے۔ اس موقع پر کھلاڑیوں میں شرٹ،کیپ،شیلڈ اور ٹرافیاں تقسیم کی گئیں ۔ پولیو کی اس واک سے بہت سے لوگ متاثر ہوئے جن کوپمفلٹ، سٹیکر اور بیچ تقسیم کئے گئے اور بہت سے پولیس افسران نے روٹری کلب کے ممبر بننے کی خواہش ظاہر کی۔وسیم اسلم نے کہا بچوں کونو خطرناک بیماریوں سے بچاؤکے لئے روٹین امیونائزیشن نہایت لازمی ہے تا کہ پولیو سمیت مختلف بیماریوں پر قابو پایا جاسکے انہوں نے کہا کہ والدین کی بھی ذمے داری بنتی ہے کہ وہ اپنے بچوں کو حفاظتی پولیو کے قطرے پلوائے آخر میں روٹری کلب کے صدر وسیم اسلم نے مہمان خصوصی ایس ایس پی چو ہدری شریف جٹ کو پولیو کے خاتمے کی پن لگائی اور کیپ شرٹ بطور گفٹ کی کہ پولیس ملازمین کے بچوں کو بھی پولیو کے قطرے ضرور پلوائے۔روٹری کلب سچا سودا کے تمام ممبر ان سکولوں ،مدرسوں ، میں جاکر پمفلٹ اور سٹکر تقسیم کئے۔
