فا روق آباد: ٹورنامنٹ کی منتظم پیراڈائیز ہاکی کلب ،پرومارک اور روٹری کلب لاہور گیژن تھے جو کے گاؤں چک 73/آر بی کیرانوالہ میں منعقد ہوا،ٹورنامنٹ پولیو فری پاکستان سے آگاہی کے نعروں کے تحت منعقد کیا گیا ،ٹورنامنٹ میں کل 27ٹیموں نے شرکت کی ،میزبان ٹیم گونا نے چیمپئن ٹرافی کے ہمراہ بیس ہزار روپے نقد انعام جبکہ دوسرے نمبر پر آنے والی ٹیم پیراڈائز نے ٹرافی کیساتھ پندرہ ہزار روپے نقد انعام وصول کیا ،پیراڈائز ٹیم کے رضوان علی ٹورنامنٹ کے بہترین کھلاڑی قرار پائے ،ٹورنامنٹ میں حصہ لینے والی ٹیموں کو پولیو سے آگاہی سے متعلق سامان بھی پیش کیا گیا ،فائنل میچ کے اختتام پر مہمانوں میں پو لیو ٹی شرٹس اور کیپس بھی تقسیم کی گئیں ،لیفٹیننٹ جنرل چوہدری سردار علی اور کرنل نواب علی فائنل میچ کے مہمان خصوصی تھے روٹری پلس پولیو کمیٹی ممبر مبشر بٹ اور روٹیرین اقبال ملک بالی نے گاؤں کی معتبر اور مشہور شخصیات کے ہمراہ شرکت کی پیٹرن ان چیف پیراڈائیز ہاکی کلب و سابق ڈسٹرکٹ گورنر شہزاد احمد اور مختار احمد کو آڑدینیٹر پیراڈائیز ٹورنامنٹ کے منتظم تھے ،پولیو سے آگاہی واک بھی کی گئی جس میں بچوں نے بھر پور شرکت کی انہیں پولیو ایجوکیشن کے بارے میں آگاہ کیا گیا ،پولیو سے آگاہی کے لئے آگاہ کیا گیا کہ پانچ سال سے کم ہر بچے کو پولیو کے قطرے لازمی پلائے جائیں اور پولیو فری پاکستان کو قومی دن کے طور پر منایا جا ئے ،ٹورنامنٹ کے اختتام پر پولیو بیجز ،بینڈز ،پینسلز پولیو پیغامات کیساتھ بسکٹس بھی بچوں میں تقسیم کیے گئے ،پرومارک ،روٹری نیشنل پولیو پلس کمیٹی ،انٹر لوپ ،تعمیر بنک اور آئی جی آئی انشورنس نے ٹورنامنٹ کے سپانسر تھے ۔
