پائی خیل (نامہ نگار)ہیلپنگ ہینڈ فارریلیف اینڈ ڈویلپمنٹ پاکستان ایک فلاحی ادارہ ہے جسکا مقصد دکھی انسانیت کی خدمت اور معاشرہ کی ترقی ہے ہیلپنگ ہینڈ کے تحت طلباء و طالبات کی پانچ بنیادی ضروریات تعلیم خوراک، حقوق کی آگاہی، شخصیت کی تعمیر اور صحت پر توجہ دی جاتی ہے مالی معاونت کے ساتھ نئے تعلیمی سال کے آغاز میں ایجوکیشن کٹ دی جاتی ہے اور طلباء و طالبات کو سکول یونیفارم اور جوتوں کے سلسلہ میں فی کس مبلغ تین ہزارروپے کا چیک دیا جاتا ہے اور ان تمام طلبا و طالبات سمیت انکی ماؤں کوعلاج معالجہ کے سلسلہ میں فی کس ساٹھ ہزارروپے تک مفت علاج کی سہولت فراہم کی جاتی ہے غریب نادار اور یتیم طلباء و طالبات کو احساس محرومی سے نجات دلانے کیلئے ہیلپنگ ہینڈ انکی سرپرستی کررہا ہے تاکہ یہ یتیم مستحقین اور نادار طلبا تعلیمی میدان میں کسی سے پیچھے نہ رہیں بلکہ اعلیٰ تعلیم حاصل کرنے کے بعد ملکی تعمیر و ترقی میں اپنا کردار ادا کرسکیں ان خیالات کا اظہار یونیورسٹی آف سرگودھا کیمپس میانوالی کے ہیڈ ڈاکٹر شفقت اللہ خان نیازی، ضلعی زکوٰۃ کمیٹی کے چیئرمین حکیم ایوب قریشی ، الصفہ گرلز سکول سسٹم موچھ کے چیف ایگزیکٹو عبد الوہاب خان مواز خیل، گورنمنٹ ہائیر سیکنڈری سکول موچھ کے پرنسپل امان اللہ خان ادریس شہباز خیل، کنگ عبد اللہ ریلیف کمپیشن فار پاکستان ای پیپلز کے نمائندہ عبد اللہ گفتار اور ہیلپنگ ہینڈ پروگرام کے سینئر پروگرام آفیسر شاکر حسین عباسی سمیت دیگر مقررین نے ہیلپنگ ہینڈ کے آرگن سپورٹ پروگرام موچھ میں منعقدہ تقریب سکول بیک پراجیکٹ میں 250یتیم اور نادار طلبا و طالبات میں ایجوکیشن کٹیں تقسیم کرتے ہوئے کہا کہ موجودہ نفسانفسی اور مادی دور میں وطن عزیز کے 29 اضلاع میں 7200 بچوں کی کفالت ایک قابل تحسین عظیم کارنامہ ہے ۔ انہوں نے کہا کہ تعلیم بچوں کو پڑھانے کا نام نہیں بلکہ رویوں میں تبدیلی لاناضروری ہے ملکی تعمیر وترقی کیلئے ہمیں اپنے دماغ میں مضبوط اور اچھی سوچ رکھنی چاہیے ادب احترام ، صحت و صفائی ،خوش اخلاقی اور محنت ہمارا شعار ہونا چاہیے ۔ اس موقع پر ہیلپنگ ہینڈ کے فیلڈکوارڈینیٹر مجاہد حسین سید نے تمام شرکاء تقریب کا شکریہ ادا کیا اس تقریب کا آغاز تلاوت کلام سے انس منصور شاہ نے کیا ہدیہ نعت ننھی طالبہ نے پیش کی ،۔ قومی ترانہ ، بڑا دشمن بناپھرتاہے جو بچوں سے ڈرتا ہے نشرہ گروپ نے پیشکیا ۔ اختتامی دعا ماسٹر محمد اکرم خان عکرمہ نے کرائی بعد ازاں تمام مہمانان گرامی کی پرتکلف خدمت کی گئی ۔ اس تقریب میں نظامت کے فرائض ماسٹر عدیل ثاقب نے احسن طریقہ سے سر انجام دئیے۔
