فاروق آباد : عوام کو سستے اور معیاری بناسپتی گھی اور کوکنگ آئل کی فراہمی کیلئے پانچوں تحصیلوں میں 63سٹالز قائم کر دئے گئے ہیں جن میں فکسد سٹال 52جبکہ 11موبائل سٹالز ہیں ۔یہ بات ڈی سی او راشد کمال الرحمٰن نے ان سٹالز کی کارکردگی بہتر بنانے اور اسکے فوائد عوام تک پہنچانے کیلئے ایک اجلاس میں کہی۔اے ڈی سی سائرہ عمر ،اے سی سدرہ سلیم ،ڈی او سی عبدالغفور چوہدری ،ڈی او انٹرپرائزز محمد شفیق نے اجلاس میں شرکت کی۔ ڈی سی او راشد کمال الرحمٰن نے افسران کو ہدایت کی کہ سٹالز میں گھی اور آئل کی فراہمی کے تسلسل کو یقینی بنایا جائے۔
