فاروق آباد : انجمن تاجران اپروچ روڈ لاری اڈہ فاروق آباد کے سالانہ الیکشن 2015مورخہ19اپریل 2015بروز اتوار بوقت9تا3بجے دوپہر منعقد ہورہے ہیں تمام ممبر دکانداران کو مطلع کیا جاتا ہے کہ وہ انجمن تاجران کے الیکشن 2015میں بھر پور طریقہ سے حصہ لیں ۔ایسے دکاندار جو ممبر شپ کے خواہش مندہوں وہ میاں لیاقت علی چئیرمین سپریم کونسل سے ممبر شپ فارم حاصل کرکے پرُکرکے جمع کرواسکتے ہیں۔نوٹ : ممبر شپ کی کوئی فیس نہ ہے تمام دکانداروں کو دعوتی لیٹر اور ممبر شپ فارم ڈور بائی ڈور فراہم کر دیئے گئے ہیں کہ انہیں پرُ کرکے درج بالا پتہ پر جمع کروائیں ۔تمام ممبران پینل کی بنیاد پر الیکشن لڑیں گے جبکہ بقیہ عہدیداران کا چناؤں منتخب صدر و جنرل سیکرٹری ،مجلس عام کے ممبران سے باہمی مشاورت سے کریں گے ۔صدر کے عہدہ کیلئے الیکشن میں حصہ لینے والے امیدوارکو مبلغ3000روپے ناقابل واپسی سیکورٹی جمع کروانا لازمی ہوگی ۔بقیہ کے عہدہ کیلئے الیکشن میں حصہ لینے والے امیدوار کو مبلغ500روپے ناقابل واپسی سیکورٹی جمع کروانا لازمی ہوگی ۔31مارچ2015 بوقت4بجے ممبر شپ فارم جمع کروانے کی آخری تاریخ ہے۔03مارچ2015 ووٹ لسٹیں مکمل کرنے کی آخری تاریخ ہے ۔08اپریل 2015بروز ہفتہ کاغذات جمع کروانے آخری تاریخ ہے ۔12اپریل 2015 کاغذات کی جانچ پڑتال کی جائے گی اور کاغذات واپسی 13اپریل کو ہو گی اور حتمی فہرست اسی دن شام کو آویزاں کر دی جائے گی ۔19اپریل2015صبح 9تا3بجے سہ پہر تک ٹرانسپیرنٹ اور صاف شفاف طریقہ سے الیکشن کمبوہ پلازہ (دفترانجمن ہذا)میں کروایا جائے گا ۔الیکشن نتائج کا اعلان اسی دن شام کو کردیا جائے گا جو حتمی ہوگا اور کسی بھی فریق کو اسے چیلنج کرنے کا حق حاصل نہ ہوگا چیئرمین سپریم کو نسل20اپریل 2015کو تمام اختیارات اور انجمن کے کاغذات نومنتخب صدر و جنرل سیکرٹری کے سپرد کریں گے اور نومنتخب صدر و جنرل سیکرٹری کانوٹیفکیشن جاری کریں گے ۔
