پائی خیل (نامہ نگار)ملک بھرکی طرح پائی خیل میں بھی یوم پاکستان مذہبی وقومی جوش وجذبے سے منایاگیا۔تفصیلات کے مطابق پریس کلب پائی خیل میں یومِ آزادی پاکستان کی منعقدہ تقریب میں معروف دینی راہنماحافظ کریم اللہ چشتی، سیکرٹری اطلاعات ڈسٹرکٹ یونین آف جرنلسٹس میانوالی احمدنوازخان پائی خیل،معروف شاعراورادبی کالم نگارفتح محمدعرشی ودیگرنے اظہارخیالات کرتے ہوئے کہاکہ23مارچ کادن مسلمانوں کی مذہبی ،معاشرتی اورتہذیبی آزادی کی جدوجہداورعہدکادن ہے ۔مسلمانوں کوچاہیے کہ اپنی زندگیوں کواسلام کے سانچے میں ڈھالیں۔تاکہ آنیوالی نسلیں اورتمام دنیااس کے امن وسلامتی والے راستے سے متعارف ہوسکیں۔ہمیں اس دن عہدکرتے ہیں کہ اس کے گرانقدراصولوں کواپناکردنیاکوامن ومحبت کاگہوارہ بنائیں گے ۔تاکہ چارسُواسلام کی خوشبوپھیل سکیں۔وطن آزادی کے بعدہمیں ہرگزیہ نہیں سمجھ لیناچاہیے کہ ہماری حقیقی منزل اورنظریے کی تکمیل ہوگئی ہے بلکہ آج ہمیں اس بات کاعہدوپیمان کرناہے ہم نے نظریہ اسلام کی تکمیل کے لئے پاکستان حاصل کیاتھااوراللہ تعالیٰ کے سچے دین اسلام کوعملی شکل میں یہاں نافذکریں گے ۔ملک پاکستان میں نظام مصطفیﷺلاگوکرنے کے لئے ہروقت کوشاں رہیں گے ۔اس تقریب کے اختتام پرقوم وملک کی سلامتی کے لئے دعائیں کی گئیں۔
