پائی خیل(نامہ نگار )خواجگان خواجہ آبادشریف کے 136ویں سالانہ عرس مبارک کی تقریبات اختتام کوپہنچیں۔ تفصیلات کے مطابق136ویں مرکزی سالانہ عرس خواجگان خواجہ آبادشریف کی تقریبات آج اتوارکو ختم ہوگئیں ۔جن میں ملک بھرسے ہزاروں عقیدت مندوں کے علاوہ علماء کرام ومشائخ عظام کی کثیرتعدادنے شرکت کی ۔اس موقع پرپروفیسرمحمدظفرالحق صاحب بندیال شریف نے خطاب کرتے ہوئے کہاکہ نبی کریمﷺکاحقیقی عشق ہی مومن کاسرمایہ ہے آپﷺکی محبت سے دلوں میں نورپیداہوتاہے کثرت سے درودشریف پڑھنے سے دکھوں سے نجات ملتی ہے اورروحانی درجات بلندہوتے ہیں ۔نفرتوں ،کدورتوں کے خاتمہ کے لئے ضروری ہے کہ محبت رسولﷺکے دیپ روشن کیے جائیں۔علامہ غلام محمدصدیقی خطیب اعظم اٹک نے خطاب کرتے ہوئے کہاکہ اولیاء کرام نے تبلیغ اسلام میں اہم کرداراداکیابرصغیرپاک وہندمیں اسلام اولیاء کرام کی بدولت پھیلا۔ اولیاء کرام کی کاوشوں کی وجہ سے اسلام کوفروغ ملاپاکستان کے قیام میں اکابرین اہلسنت نے اہم کرداراداکیا۔ان عرس پاک کی محافل کے انعقاد کامقصدنئی نسل میں اولیاء کرام کے بارے میں شعورپیداکرناہوتاہے ۔خطیب پاکستان ،مناظراہلسنت علامہ امیرمحمدبھوروی نے خطاب کرتے ہوئے کہاکہ جناب احمدمجتبیٰ محمدمصطفیﷺ کاذکرقرب الٰہی حاصل کرنے کابہترین ذریعہ ہے خالق کائنات نے آپﷺکوتمام جہانوں کے لئے باعث رحمت بناکربھیجاآپﷺوجہ تخلیق کائنات ہیں اورآپﷺہی کے ذکرسے یہ دنیاآبادہے۔برصغیرپاک وہندمیں اولیاء کرام نے جس اندازمیں اشاعت اسلام کی اسکی مثال نہیں ملتی لاکھوں غیرمسلموں نے اولیاء کرام کی تبلیغ سے متاثرہوکردین اسلام کی دولت حاصل کی ۔علامہ قاری محبوب الٰہی نے خطاب کرتے ہوئے کہا اولیاء کرام کاپیغام ہمیں اس بات کی تعلیم دیتاہے کہ ہم اسلام کی تبلیغ واشاعت میں کوئی دقیقہ فروغ ذاشت نہ اٹھائیں بلکہ اپنی صلاحیتیں اسلام کی سربلندی کے لئے صرف کریں ۔حکمران وقت دہشت گردی کے خاتمہ کے لئے اقدامات اٹھائیں تاکہ ملک پاکستان امن وسلامتی کاگہوارہ بن سکے۔ انہوں نے کہاکہ حضورپاکﷺکاذکرایساافضل ترین ذکرہے جوخالق کائنات خوداپنے نورانی فرشتوں کے ساتھ ملکرفرماتاہے۔انہوں نے مزیدکہاکہ تبلیغ اسلام میں اولیائے کرام ،پیران عظام کی خدمات ناقابل فراموش ہیں ۔عرس پاک سجادہ نشین آستانہ عالیہ خواجہ آبادشریف علامہ حافظ سیدمحمدفاروق انورشاہ کاظمی کی سرپرستی میں منعقدہوا۔تلاوت کلام پاک قاری القراء قاری خالدحمیدالازہری،نعت رسول مقبول ﷺعابدحسین،محمدزمان چشتی نے پیش کی۔سٹیج کی زینت پیرطریقت رہبرشریعت سیدمحمدتوقیرالحسنین شاہ کاظمی صدرجماعت اہلسنت ضلع میانوالی وسجادہ نشین آستانہ عالیہ خواجہ آبادشریف،پیرسیدمنصورشاہ اویسی، پیرسیدمحمدانوارالحسن شاہ کاظمی،رئیس المتکلمین علامہ سیدمحمدعلم الدین شاہ کاظمی،مفتی محمدطیب ارشداوردیگرعلمائے کرام تھے۔اختتامی نشت میں قرآن خوانی،نعت خوانی،چادرپوشی،خطابات،محفل دستارفضیلت،محفل سماع کے بعدعالم اسلام اورملک پاکستان کی سلامتی کے لئے دعائے خیرکی گئی بعدمیں لنگربھی تقسیم کیاگیا۔
