فاروق آباد : محکمہ صحت کی ٹیمیں گھر گھر جا کر 5سال تک کی عمر کے بچوں کو پولیو کے قطرے پلوائیں اور آنے والی نسلوں کو معذوری سے بچائیں ۔یہ بات ڈی سی او راشد کمال الرحمٰن نے شہباز شریف مدرز اینڈ چلڈرن کمپلکس میں پولیو مہم کا افتتاح کرنے کے بعد محکمہ صحت کے افسران اور اہلکاروں سے گفتگو کرتے کہی ۔ای ڈی او ہیلتھ ڈاکٹر محمد اسحاق کمبوہ نے بتایا کہ 16تا 18مارچ تین روزہ پولیو تدارک مہم میں 577900بچوں کو پولیو کے قطرے پلوانے کیلئے 1030موبائل ٹیمیں تشکیل دی گئی ہیں جبکہ 112یونین کونسل سپروائزر ز ،219ایریا انچارج مقرر کئے گئے ہیں ۔114فکسڈ پوائنٹس جبکہ 46ٹرانزٹ سنٹر بنائے گئے ہیں ۔
