پائی خیل(نامہ نگار)پائی خیل اورگردونواح میں وقفہ وقفہ سے موسلادھاربارش ،کاروبارزندگی مفلوج ہوکررہ گئی۔ تفصیلات کے مطابق پائی خیل اورگردونواح میں پندرہ روزسے وقفہ وقفہ سے موسلادھاربارشوں کاسلسلہ جاری ہونے سے آمدورفت کے راستے بندہوکررہ گئے ہیں جس سے لہلہاتی اورآخری مراحل میں گزرنے والی فصلوں کوناقابل تلافی نقصان ہونے کااندیشہ ناداراورغریب دیہاڑی دارمزدوروں کے چولہے ٹھنڈے پڑگئے ہیں ۔ادھرمسلسل بارش سے مکانوں کی کچی اورپکی چھتیں ٹپکنے لگی ہیں ۔جس سے لوگ پریشانی سے دوچارہیں اوربارانِ رحمت کے رکنے کے لئے خصوصی دعائیں مانگی جارہی ہیں۔ شہرکے چاروں اطراف نشیبی علاقے پانی سے بھرگئے ہیں۔نکاسی آب کاکوئی بندوبست نہیں ۔
