پائی خیل(نامہ نگار)پائی خیل میں نکاسی آب کابندوبست نہ ہونے سے شہریوں کومشکلات کاسامناتفصیلات کے مطابق پائی خیل شہراورگردونواح میں نکاسی آب کانظام درست نہ ہونے کی وجہ سے شہریوں کوشدیدمشکلات کاسامناکرناپڑرہاہے ۔بارشی پانی جگہ جگہ کھڑاہوکرمچھروں کی افزائش گاہ بناہواہے ۔علاوہ ازیں گلی کوچے میں پڑے گندگی کے ڈھیرنا صرف موذی بیماریاں پھیلانے کاموجب بن رہے ہیں بلکہ راستے بھی سکڑاکررکھ دیے ہیں۔ ادھرلوگوں کے گھروں کاگنداپانی گلیوں اورچراہوں پرکھڑاہوکرڈینگی مچھروں ،نمازیوں اورعلاقہ کے باسیوں کی آمدورفت کے لئے پریشانی کاباعث بناہواہے۔عوامی حلقوں نے ڈی سی او! اورٹی ایم اومیانوالی سے پرزورمطالبہ کیاہے کہ یونین کونسل پائی خیل کاعلاقہ بھی تحصیل میانوالی میں آتاہے لہذاتحصیل میانوالی کے عملہ صفائی کوپائی خیل میں ہفتہ صفائی کے لئے بھیج کرشہریوں کی پریشانی کاازالہ کیاجائے۔
