فا روق آباد :ڈاکوؤں نے رات گئے ایریا منیجر اسٹیٹ لائف کو گولی مار کر زخمی کر دیا ،نقدی اور موبائل فون چھین کر فرار ہوگئے ،واقعہ سے علاقہ میں خوف وہراس پھیل گیا ،بتایا گیا ہے کہ اسٹیٹ لائف انشورنس کارپوریشن آف پاکستان ایریا 2067کے منیجر محمد شہباز اپنے دوست سیلز منیجر میاں محمد ذوالفقار کے گھر واقع نزد قلعہ شیخوپورہ سے نکل رہے تھے کہ بغیر نمبر پلیٹ 125موٹر سائیکل پرسوارجدید اسلحہ سے لیس تین عدد ڈاکواچانک ان کی کار کے سامنے آگئے اور فائرنگ شروع کردی ایک گولی محمد شہباز کے دائیں بازوں میں لگ گئی جس سے وہ شدید زخمی ہو کر گر گئے ڈاکوؤں نے ان سے دو عدد موبائل فون، 6ہزارروپے نقدی ،پرس وغیرہ چھین لیااس دوران ڈاکوؤں نے قریبی دوکانداروں کو بھی گن پوائنٹ پر لوٹ لیا مقامی پولیس تھانہ اے ڈویژن شیخوپورہ مصروف تفتیش ہے ۔
