فاروق آباد : پاکستان مسلم لیگ (ن)ضلع شیخوپورہ کے سنیئر رہنما سید اسد علی بخاری نے کہا ہے کہ عمران خان کو ان کے ساتھیوں نے مفلوج کرکے رکھ دیا ہے جس کی وجہ سے عمران خان ذہنی طور پر معذور ہو چکے ہیں انہوں نے کہا کہ میاں نواز شریف اور میاں شہباز شریف ملک کیلئے خدمت قابل تحسین ہیں اور ملک میں امن کیلئے حکومتی اقدامات سے مخالفین کی نیند یں حرام ہو گئی ہیں اور مخالفین اوچھے ہتھکنڈوں پر اتر آئے ہیں جن کو کسی صورت کامیاب نہیں ہونے دیا جائے گا۔ انہوں نے کہا کہ عمران خان مفاد کی سیاست چھوڑ کر ملکی ترقی میں حکومت کا ساتھ دیں انہوں نے مزید کہا کہ یہ وقت دھرنوں اور جلسوں کا نہیں ملک کو مشکلات سے نکال کر ترقی کی راہ پر گامزن کرنے کا ہے اور آخری وقت تک میاں نواز شریف اور آرمی چیف جنرل راحیل شریف کے ساتھ کھڑے رہیں گے انہوں نے کہا کہ اسلام کے نام پر حاصل کئے گئے پاکستان کیلئے ہمارے آباؤاجداد کی بے شمار قربانیاں ہیں جن کو کسی صورت رائیگاں نہیں جانے دیاجائے گا اور دہشت گردی کے خلاف حکومتی اقدامات قابل حسین ہیں ان خیالات اظہار انہوں نے اپنی رہائشگاہ پر میڈیا کے نمائندوں سے گفتگو کرتے ہوئے کیا ۔
