فاروق آباد : پریس کونسل (رجسٹرڈ )فاروق آباد کے زیر اہتمام ایک تقریب منعقدہوئی جس میں رانا حمید الرحمن ، چوہدری غلام حسین ، محمداعظم شیخ ،بابر علی ، شہباز احمد گھمن ،چوہدری عدیل احمدورک ،محمد احمد مقبول نے شرکت کی ۔تقریب سے خطاب کرتے ہوئے ممتاز سیاسی سماجی شخصیت سردار فیصل ڈوگر نے کہا ہے کہ حالیہ دہشت گردی کی لہر میں شیعہ کمیونٹی کو نشانہ بنایا جا رہا ہے دہشت گردی میں ملوث طالبان کا خاص گروپ لوگوں کو مذہب کی بنیاد پر قتل کر رہا ہے اور پاکستان میں فرقہ وارانہ انتشار کو پھیلانے کی گھناؤنی سازش کی جارہی ہے دہشت گردی اور انہتا پسندی کی اس لہر سے نمٹنے کیلئے عملی اقدامات کیوں نہیں کیئے جارہے اس کی بنیادی وجہ ریاست کی صفوں میں ایسے افراد موجود ہیں جو شیعہ مخالف قوتوں کے بارے میں نرم گوشہ رکھتے ہیں سردار فیصل ڈوگر نے وزیر اعظم پاکستان میاں محمد نواز شریف اور آرمی چیف جنرل راحیل شریف سے اپیل کی ہے کہ تمام طالبان گروپوں کے خلاف بلا تفریق اپریشن کیا جائے اور ان کے کیس فوجی عدالتوں میں چلا کر کیفر کردار تک پہنچایا جائے ۔
