فاروق آباد: ٹی ایم اے اپنی غلط پالیسیوں کی وجہ سے شہریوں کو آپس میں لڑانا چاہتا ہے ، دوکانوں کی الامنٹ میرٹ پر نہ ہونے کہ وجہ سے زیادہ تر شہریوں کی حلق تلفی کی گئی جس سے متاثرین کی تعداد اور مسائل میں اضافہ ہوگیا ۔تفصیلات کے مطابق شہرفاروق آباد میں سٹرک کی توسیع کے سلسلہ میں ریلوے چوک سے صفانوالہ چوک تک دونوں جانب سے لاتعداد دوکانوں کو مسمار کرکے پیچھے دھکیل دیا گیا چونکہ یہ دوکانیں ٹی ایم اے کی ملکیت ہیں دوکانداروں کی آباد کاری کیلئے ٹی ایم اے نے انتہائی غلط پالیسی بنائی اور بڑی دوکانوں کو تقسیم کرکے 2،2دوکانیں بنادی گئیں تاکہ متاثرین کو ان دوکانوں میں ایڈجسٹ کیا جاسکے، لیکن عرصہ 50سال سے زائد قابض دوکاندار ٹی ایم اے کی اس پالیسی سے اتفاق نہیں کرتے معززین شہر نے دوکانوں کے سامنے چھوٹے چھوٹے کھوکھے تعمیر کرنے کی تجویزکو یکسر مسترد کردیا ہے اور اسے ظلم قرار دیا ہے ۔ اس غیر دانشمندانہ پالیسی سے شہریوں میں تصادم کا خطرہ موجود ہے اور بہت سے متاثرین کی حق تلفی ہو رہی ہے معززین شہر نے وزیر اعلیٰ پنجاب سے اپیل کی ہے کہ تمام شہریوں کے مسائل میرٹ پر حال کیئے جائیں اور باقی ماندہ دوکانداروں کوچھوٹے چھوٹے کھوکھے وغیرہ کی بجائے تھانہ صدر فاروق آباد اور دیگر خالی جگہوں پر دوکانیں تعمیر کرنے کیلئے کھلی اور صاف ستھری جگہ الاٹ کی جائے ۔
