فاروق آباد : مسلم لیگ (ن)ہر میدان میں راہ فرار اختیار کرتی ہے جوڈیشل کمیشن بنانے کا وعدہ کیا لیکن آج تک نہیں بنایاان خیالات کا اظہار پاکستان تحریک انصاف کے صوبائی رہنماچوہدری ثناء اللہ جٹ نے صحافیوں سے گفتگو کرتے ہوئے کیاانہوں نے کہا کہ عمران خان وہ واحد لیڈر ہے جو آج بھی اپنی بات پر قائم ہے اور ہر میدان میں سچ کے ساتھ کھڑا ہوتا ہے چاہے کوئی اس کا ساتھ دے یا نہ دے سانحہ پشاور کی وجہ سے ہم نے دھرنا چھوڑا لیکن اس کا مطلب یہ نہ لیا جائے کہ ہم تھک کر پیچھے ہٹ گئے ہیں ہم آج بھی اپنے مطالبات پر قائم ہیں اگر حکومت نے دھاندلی سے متعلق ہمارے مطالبات پور ے نہ کیے تو قائد کی آواز پر لبیک کہتے ہوئے ہم دوبارہ دھرنے دیں گے اور احتجاج کریں گے انہوں نے مزید کہا کہ چوہدری نثار کے اعتراف کے بعد مسلم لیگ (ن) کا حکومت میں رہنے کا کوئی جواز نہیں رہتااس سے پہلے بھی کئی وزیر اپنی نااہلیوں کا اعتراف کر چکے لیکن اپنے عہدے چھوڑنے کو تیار نہیں ایسا نہ ہو کہ عوام ان کو اٹھا کر سمندر میں پھینک دے۔
