پائی خیل (نامہ نگار)سٹی پائی خیل رات کی تاریکی میں نامعلوم افرادنے علی خان شاپنگ سنٹرکوآگ لگادی سواکروڑڑروپے کاسامان خاکسترجبکہ 20لاکھ روپے کی بلڈنگ تباہ ہوگئی نامعلوم افرادکے خلاف تھانہ پائی خیل میں مقدمہ درج تفصیلات کے مطابق سٹی پائی خیل کے محلہ دروخیل میں علی خان شاپنگ سنٹرمیں نامعلو م افرادنیرات آگ لگادی ۔آگ آناًفاناًجنرل سٹور،چپل سٹور،کپڑوں کے گودام ،کراکری اوربرتن سٹورمیں پھیل گئی ۔شاپنگ سنٹرکے مالک محمداسلم خان نے میڈیاکوبتایاکہ تقریباًرات ساڑھے چاربجے ہمارے پڑوسی نے آگ لگنے کی اطلاع دی جب ہم نیندسے اٹھے توآگ تمام دوکانوں کواپنی لپیٹ میں لے چکی تھی ۔ریسیکیو1122کواطلاع کی جوایک گھنٹہ بعدپہنچ کربڑی مشکل سے آگ پرقابوپایالیکن ہماراسواکروڑروپے کاکپڑا،جوتیاں،برتن ،کراکری اوردیگرقیمتی سامان جل کرراکھ ہوگیا۔20لاکھ کی دوکانوں کی چھتیں ،گاڈر،ٹی آرن،لنٹل نیچے گرگئے ۔محلہ داروں نے رات کی تاریکی میں اپنے ہاتھوں میں بالٹیاں ،ڈول وغیرہ اٹھاکرآگ بجھانے کی کوشش کی لیکن آگ کے شعلے آسمان کوچھورہے تھے ۔اس خبرسے پائی خیل شہر اورگردونواح میں خوف ہراس کی صورت پیداہوگئی ۔اوراظہارافسوس کرنے والے شہریوں کادن بھرتانتاباندھارہا۔شاپنگ سنٹرکے مالک اوران کے بیٹے نے میڈیاکوبتایاکہ چندروزقبل ہمیں فون پرخوفناک دھمکیاں دی گئیں تھیں۔تاہم مدعی محمداسلم خان کی رپورٹ پرپولیس تھانہ پائی خیل نے مقدمہ درج کرکے مزیدتفتیش شروع کردی ہے ۔
