فاروق آباد : ایل ٹی سی کی سہولت شروع نہ ہونے کے باعث شہریوں کوشدیدپریشانی کا سامنا ۔طالبات ،معمر شہری ،سرکاری وغیر سرکاری ملازمین دھکے کھانے پر مجبور۔ لاری اڈہ فاروق آباد پر روزانہ گردونواح سے سینکڑوں طالبات ،ضعیف العمر خواتین،بزرگ پبلک ٹرانسپورٹ کیلئے انتظار کرتے رہتے ہیں اور بھیڑبکریوں کی طرح گاڑیوں میں ٹھونس کر پبلک ٹرانسپورٹ میں سفر کرنے پر مجبور ہیں اگر مسافر اپنے حق کیلئے آواز اٹھائیں تو ان کی تذلیل کرکے گاڑی سے اتار دیا جاتا ہے نیچے سے اوپر چھت تک بھری ہوئی بسیں متعدد بار جان لیوا حادثات کا باعث بن چکی ہیں جن میں درجنوں شہری اپنی جان گنوا بیٹھے ہیں۔ شیخوپورہ فاروق آباد روڈ خستہ حالی کا شکار تھا جس کو بنیاد پر کر ایل ٹی سی کی سروس شروع نہیں ہو پارہی تھی معززین شہر کی طرف سے اب تک وزیر اعلیٰ پنجاب کو درجنوں درخواستیں ارسال کرچکے ہیں لیکن کوئی شنوائی نہیں ہورہی۔شہری معیاری اور سستی سفری سہولت کیلئے بے تاب ہیں ایل ٹی سی کی سہولت میسر آنے سے فاروق آباد میں سفری انقلاب آجائے گا ۔فاروق آباد کے شہریوں نے وزیر اعلیٰ پنجاب میاں شہباز شریف سے اپیل کی ہے کہ فاروق آباد میں ایل ٹی سی سروس جلد شروع کی جائے ۔
