فاروق آباد : تھانہ سٹی اور تھانہ صدر کے علاقوں میں دو مختلف واقعات میں شادی شدہ خاتون اورچھ ماہ قبل شادی کرنے والے برتن فروش نوجوان نے خود کشی کر لی۔بتایا گیا ہے کہ ڈیرہ اوڈھاں کی رہائشی 23 سالہ بلقیس کی شادی مانانوالہ ہوئی تھی،مگر شوہر سے ناچاقی کی وجہ سے وہ کئی ماہ پہلے اپنے میکے آ کر رہ رہی تھی، اب اسکے والدین نے اسے اپنے سسرال جانے کو کہا تو اس نے جانے سے انکار کرتے ہوئے زہریلی گولیاں کھا کر خود کشی کر لی۔جبکہ دو سرا واقعہ محلہ رسول پورہ میں پیش آیا ، جہاں نوجوان ریاست نے اب سے 6 ماہ قبل 8 کی بچوں کی ماں ،40سالہ خاتون کو بھگا کر شادی کر لی تھی ،اسی بات پر متوفی کا اپنی ماں سے اکژ جھگڑار ہتا تھا ،جس پر دلبرداشتہ ہو کر اس نے زہریلی دوائی کھا کر خود کشی کر لی۔پولیس نے دونوں مقدمات درج کر کے نعشیں پوسٹ مارٹم کے لئے بھجوا دیں۔
