فاروق آباد اپروچ روڈ ترقیاتی کام انتظامیہ کی نا اہلی کا منہ بولتا ثبوت ہے۔ 30فٹ چوڑے روڈ کے درمیان میں 3فٹ کا گرین بیلٹ بنا دیا گیالیکن منصوبہ کے مطابق اسکی مطلوبہ چوڑائی کے حصول کیلئے دونوں اطراف سے دوکانیں اور مکان گرائے جانے تھے جو کہ نا گرائے جا سکے جس کی وجہ سے اب دونوں اطراف سے سڑک تنگ ہے اور ٹریفک کا ہجوم رہتا ہے موجودہ سٹرک کی تعمیر سے اہلیان شہر کو رلیف کی بجائے تکالیف کا سامنا کرنا پڑ رہا ہے جبکہ حکومت پنجاب کا کثیر سرمایہ پلاننگ نہ ہونے کی وجہ سے ضائع ہو چکا ہے ۔فاروق آباد چونکہ ایک چھوٹا شہر ہے اسلئے اس کے ترقیاتی کاموں کو اعلیٰ حکومتی سطح پر مانیٹر نہیں کیا جارہا اسی طرح اپروچ روڈ کی تعمیرکردی گئی اور سٹرک کے دنوں جانب نالے کی تعمیر بعد میں کی گئی ہے جس سے نئی بننے والی سٹرک ٹوٹ پھوٹ کا شکار ہورہی ہے اسی طرح سٹرک کے درمیان میں واپڈا کے پول ختم نہیں کیئے گئے اور سٹرک تعمیر کردی گئی اب پول اکھاڑ ے جائیں گے جس سے سڑک دوبارہ خراب ہوجائے گی اور پھر سڑک دوبارہ تعمیرکرنے کے چکر میں کروڑوں روپے کے فنڈز خرد برد کیئے جائیں گے فاروق آباد بائی پاس بھی روائتی سستی کی وجہ سے گرد کا بازار بن چکا ہے اس کو مکمل نہیں کیا جارہا ٹھیکیدار دیدہ دانستہ طور پر ترقیاتی کاموں کو سست روی کے ساتھ کر رہے ہیں تاکہ فنڈز کو خوردبرد کیا جاسکے جبکہ ترقیاتی کام بروقت مکمل نہ ہونے کی وجہ سے شہر کا کاروباری حلقہ شدید معاشی بد حالی کا شکار ہو رہا ہے ۔
