فاروق آباد:ضلع بھر کے تعلیمی اداروں ،امام بارگاہوں ،مساجد ،مزاروں ،تجارتی مراکز ،دفاتر اور دیگر پبلک مقامات پر سکیورٹی کے فول پروف انتطامات کئے جائیں گے اور دہشت گردون کے مزموم مقاصد کو خاک میں ملایا جائیگا۔یہ بات ڈی سی او راشد کمال الرحمٰن نے سول و پولیس افسران کے ایک اجلاس میں کہی۔انہوں نے کہا کہ پرائیویٹ تعلیمی اداروں کے مالکان ،تجارتی مراکز اور دیگر پبلک مقامات کے مالکان جان و مال کی حفاظت کے سلسلہ میں ضلعی حکومت اور ڈسٹرکٹ پولیس شیخوپورہ کے ساتھ مکمل تعاون کریں اور حکومت کے وضع کردہ ایس او پی پر سختی سے عمل کریں۔انہوں نے کہا کہ عوامی سکیورٹی کا کوئی بھی پہلوعوامی تعاون اور شمولیت کے بغیر مطلوبہ نتائج حاصل نہیں کر سکتا ضرورت اس امر کی ہے کہ کسی دہشت گردی کے واقع کے رونما ہونے سے قبل ایسی حکمت عملی ترتیب دی جائے کہ وہ نہ ہو۔
