فاروق آباد :مرکزی میلاد کمیٹی فاروق آباد کے زیر اہتمام تقریب تقسیم انعامات بسم اللہ شادی ہال میں منعقد ہوئی جس میں نامور سیاسی شخصیت رانا مظہر علی،پروفیسر عبداللطیف عثمانی ،پروفیسر مظفر سہیل ،میاں غلام قدیر احمد،غلام مرتضیٰ شازی مہمان خصوصی تھے جبکہ معززین شہر اعجاز قادر چیمہ ،محمد ارشاد ملک ،رانا محمد اسلام رائے شفیق ،مرزا نذیر احمد،مرزا نعیم ،غیاث قریشی ،افضال احمد نظامی ،محمد اسلم طارق ،حاجی محمد الیاس رحمانی سمیت سیاسی سماجی ،مذہبی اور صحافیوں کی کثیر تعداد نے شرکت کی اس موقع پر شہر بھر کو 12ربیع الا ول شریف جشن عید میلا النبی ﷺ کے سلسلہ میں گلیوں ،بازاروں ،مساجداور،گھروں کو برقی قمقموں اور سبز جھنڈیوں سے سجانے والے عاشقان مصطفےٰ ﷺ کو اول دوئم اور سوئم آنے والوں کے علاوہ دیگر کی حوصلہ افزائی کرتے ہوئے انعامات تقسیم کیئے گئے مہمان خصوصی رانا مظہر علی نے کہا کہ کائنات میں اللہ تعالیٰ کی محبوب ترین ہستی حضرت محمد ﷺ ہیں اور ہمیں چاہیے کہ ہم سب ایک پلیٹ فارم پر اکھٹے ہوکر آپ ﷺ کی تعلیمات پر عمل پیرا ہوتے ہوئے اپنے ملک سے موجودہ دہشت گردی کو جڑ سے اکھاڑ دیں ۔
