پائی خیل(نامہ نگار) شہید زندہ ہے اور شہید امان اللہ خان کی شہادت نے پوری قوم کے سر فخر سے بلند کردئیے ہیں اور ان کے عظیم کارنامے سے یہ ثابت ہوگیا ہے کہ پاکستان امن پسند ملک ہے اور دہشت گردی کے خاتمہ کیلئے اور وطن عزیز کی عوام کا ناحق خون بہانے والوں کے آگے سیسہ پلائی دیوار ثابت ہونا ہوگا ان خیالات کا اظہار پی ٹی آئی کے مرکزی رہنما نوابزادہ ملک وحید خان نے دورہ موچھ کے موقع پر شہید امان اللہ خان کی رہائش گاہ پر فاتحہ خوانی کے بعد صحافیوں سے گفتگو میں کیا ہے انہوں نے کہا کہ وطن عزیز میں دہشت گردی کا خاتمہ بہت ضروری ہے اور اس کے خاتمہ کیلئے ہمیں ملکر اپنا کردار ادا کرنا ہوگا اس موقع پر ان کے ہمراہ علاقہ کی معزز شخصیات ہمراہ تھیں۔
