پائی خیل (نامہ نگار)ذکرمصطفیﷺسے رحمت خداوندی کانزول ہوتاہے جب تک دنیاقائم ہے ذکرمصطفیﷺکے ترانے اورجشن عیدمیلادالنبیﷺکی محبت کاپرچارجاری رہے گا12ربیع الاول آمدمصطفیﷺ،محسن انسانیت نے دنیامیں تشریف لاتے ہی بندوں کوانسانوں کی غلامی سے چھٹکارادلایاان خیالات کااظہارمولانامفتی سلطان احمدقادری نے 12ربیع الاول کے موقع پربہت بڑے جلوس کے اجتماع سے خطاب کرتے ہوئے کیا۔حافظ کریم اللہ چشتی نے کہاکہ حضورنبی اکرمﷺکی دنیامیں آمدسے جہالت کے اندھیرے اجالوں میں بدل گئے آپﷺکی سیرت پرعمل پیراہوکرہم دنیاوآخرت میں کامیابی وکامرانی حاصل کرسکتے ہیں یہی حالات کاتقاضاہے اس اجتماع میں قاری آصف عنایت اللہ چشتی،مولوی محمدحنیف قادری ،حافظ محمدابوبکرسبحانی،حافظ خالدرضاء بھوروی،حافظ غلام سرورنقشبندی، مولوی امان اللہ قادری،حاجی شاہدجاویدخان ودیگرنے تلاوت،نعت رسول مقبول ﷺاورخطابات کیے۔ میلادمصطفیﷺ کاجلوس مرکزی جامع مسجدورالیاں والی سٹی پائی خیل سے صبح نوبجے شروع ہوااورمسجدداؤدخان سے ہوتاہوامحلہ سرمت خیل ،پہلوان خیل،طربازخیل، راجوخیل،فتح خان خیل سے ہوتاہوامیانوالی کالاباغ روڈاورریلوے اسٹیشن پائی خیل پرپہنچاجہاں پرتلاوت ،نعت اورخطابات ہوئے اس کے بعدجلوس وانڈھی سنارانوالی سے ہوتاہوا جامع مسجدشیرخیل المعروف شریں والی سٹی پائی خیل پہنچا۔جہاں پرایک بہت بڑاسٹیج بنایاگیاتھا۔تلاوت،نعت رسو ل مقبولﷺکے بعدخطابات ہوئے آخرمیں صلوٰۃ وسلام پڑھاگیااورلنگرمیلادتقسیم کیاگیا۔جلوس میں ٹرک،کوچز،کاریں ،اونٹ ریڑیاں گھوڑاریڑیاں موٹرسائیکل اورشرکائے جلوس پیدل سفرکرتے رہے ۔پائی خیل پولیس کاعملہ کسی بھی ناخوشگوارحالات کوکنڑول کرنے کے لئے جلوس کے ساتھ ساتھ رہے جلوس میں شرکاء نعرے ،آقاﷺکی ذات پردروداورنعتیں پڑھتے رہے ۔جلوس کے اختتام پرملت اسلامیہ ،عالم اسلام ،ملک وقوم کی سلامتی کے لئے خصوصی دعائیں کی گئیں۔
