فاروق آباد: پریس کونسل (رجسٹرڈ)فاروق آباد میں منعقدہ پروگرام میں اظہار خیال کرتے ہوئے سماجی رہنماء رانا اظہر محمود نے کہا کہ شہرکی تمام سڑکیں ،مین بازار ،اپروچ روڈ ،صفانوالہ چوک ،صرافاں بازار ،میلاد چوک اور لار ی اڈہ پر تجاوزات حد سے بڑھ چکی ہیں،دوکاندار حضرات اپنا سارا مال فروخت کرنے کیلئے سٹرک پر استعمال کرتے ہیں ،پھل اور سبزی فروخت کرنے والے بھائی بھی سٹرک کو ہی اپنا مسکن بنالیتے ہیں جس کی وجہ سے مسافروں ،خواتین اور بچوں تک کو سٹرک پر گذرنا محال ہو چکا ہے اپروچ روڈ کو تو سیع اور ترقیاتی کاموں میں تاخیر کی وجہ سے فاروق آباد کے شہریوں شدید پریشانیوں میں مبتلا کر دیا ہے اپروچ روڈ پر ٹریفک کا بلاک رہنا روز کا معمول بن چکا ہے سٹرک کے درمیان نصب واپڈا کے پول ٹریفک میں تعطل اور کسی جان لیوا حادثہ کا باعث بن سکتے ہیں رانا اظہر محمود نے ڈی سی او شیخوپورہ سے تحریری اپیل کی ہے کہ فاروق آباد میں تجاوزات اور دیگر ترقیاتی کاموں کی سست روی پر ایکشن لیا جائے اور کام جلد از جلد مکمل کرکے عوام کو سہولیات فراہم کی جائیں ۔
