فاروق آباد: سانحہ پشاور شہدا ء کے لواحقین سے اظہار یکجہتی کے لیے چونگی نمبر تین سے پرامن احتجاجی ریلی نکالی گئی ریلی کے شرکاء نے مذمتی کتبے اور بینرز اٹھا رکھے تھے جن پر ملک دشمن عناصر کے خلاف نعرے درج تھے اس موقعہ پر حافظ غلام باری مجاز اور پیر افضال عالم نظامی گولڑوی نے خطاب کرتے ہوئے کہا کہ ملک دشمن عناصر کی بزدلانہ حرکتیں ہمارے حوصلے پست نہیں کر سکتیں دکھ کی اس گھڑی میں پوری قوم شہداء اور زخمی ہونے والوں کے ساتھ کھڑی ہے سفاک درندے کسی بھی رعائیت کے مستحق نہیں ہیں ان کی سرپرستی کرنیوالوں کو بھی نشان عبرت بنادینا چاہیے سانحہ پشاور درندگی کی بد ترین مثال ہے گلشن ہستی کے پھولوں کا مرجھانہ خزاں رسیدہ ماحول کی عکاسی ہے تعلیمی درسگاہوں پر حملہ بزدلانہ اقدام ہے بندوق کی نوک پر منفی نظریات پوری قوم پر مسلط نہیں ہونے دیں گے اس موقعہ پر معزین علاقہ محمد عمران ہاشمی میاں ظفر اقبال ڈاکٹر مہران حیدر عبدالخالق ورک سید تقی رضا بخاری سیٹھ افتخار احمدنے شرکت کی اورعمران ہاشمی نے کہاکہ پوری قوم افواج پاکستان کے شانہ بشانہ کھڑی ہے اورہم آ پریشن ضرب عضب کی کامیابی کیلئے دعاگو ہے
