فاروق آباد ( ایف یو نیوز) غریب کسانوں کامعاشی قتل عام کرنے کیلئے لیسکو واپڈ انے بھاری اووربلنگ کا بم گرا دیا اور یہ سلسلہ عرصہ دراز سے جاری ہے ،بااثر سیاسی افراد ،بد معاش ،بااثر وکلاء ،بااثر زمیندار ،صحافی بجلی چوری میں ملوث ہیں اور چوری کردہ یونٹ،لائن لاسز اووبلنگ کی صورت میں عام صارف اور غریب کسانوں پر ڈال دیئے جاتے ہیں عام صارف کون ہے وہ شخص جو سارا دن محنت مزدوری کرکے اپنے بچوں کا پیٹ پالنے کیلئے تین سے پانچ سو روپے کما کر لاتا ہے اور اس کے بچے پیٹ بھر کر کھانا نہیں کھاتے اور راشن ختم ہو جاتا ہے وہ صارف چوری شدہ یونٹ کا بل ادا کرتا ہے بے حسی اور بے حیائی کی انہتا ہو چکی ہے اوور بلنگ اور کرپشن پرسابق 4ایکسئین سٹی ڈویژن شفقت محمودچنگڑ، عزیز الرحمن ، محمد نعیم ،شہزاد حمدکو نیب اپنی تحویل میں لے چکی ہے جبکہ متعدد کو نوٹس جاری ہوچکے ہیں لیکن اس کے باوجود عام صارف کوظالمانہ اوور بلنگ جاری ہے جو کرپشن بد عنوانی کے ساتھ ساتھ انسانی حقوق کی سنگین خلاف ورزی ہے لیسکو واپڈا اپنے اختیارات کا غلط استعمال کرکے اور عام صارف اور کسانوں سے اووربلنگ کی صورت میں ماہانہ کروڑوں روپے وصول کر رہی ہے با وثوق ذرائع سے معلوم ہوا ہے کہ ساؤتھ سب ویژن فاروق آباد کے ایس ڈی او شہباز علی نے اووربلنگ کے حکم کو یکسر مسترد کر دیا ہے ہے لیکن ایکسئین کے حکم سے غریب کسانوں پر اوور بلنگ کے بم برسائے جارہے ہیں پاکستان محمد ی پارٹی کے سربراہ مہر بان سائیں عبدالغفور میاں نے وزیر اعظم پاکستان ،سربراہ نیب سے مطالبہ کیا ہے کہ ملوں ،کارخانوں ،فیکٹریوں سے ماہانہ کروڑوں روپے منتھلی لینے والے ایس ای ، ایکسئین ،ایس ڈی اوز اور دیگر لیسکو واپڈا کے اہلکاروں کے خلاف کی جائے اور غریب کسانوں اور عام صارف پر اووربلنگ کا سلسلہ فوری بند کیا جائے اور سابق ادوار میں اووربلنگ کی مد میں وصول رقم عام صارف کو واپس کی جائے ۔
