سگریٹ کا دواں اس شخص کیلئے زیادہ خطرناک ہے جو سگریٹ نہیں پیتا عام طور پر لوگ اپنے گھر وں میں بیٹھ کر سگریٹ نوشی کرتے ہیں جس سے یہ عادت ان کے بچوں تک منتقل ہوجاتی ہے، ان خیالات کا اظہار حافظ سعادت حیات نے انسداد تمباکو نوشی کے عالمی دن کے سلسلہ پریس کونسل (رجسٹرڈ ) فاروق آباد اور سماجی تنظیم ’’ڈائیلاگ ‘‘کے زیر اہتمام منعقد ہ سیمینار میں کیا۔ سیمینار میں مقامی صحافی برادری،صدر ڈائیلاگ حافظ سعادت حیات ،جنرل سیکرٹری محمداکرم مہر ،بابر علی چیئر مین پریس کونسل رانا حمید الرحمن ، چوہدری غلام حسین ، شہباز احمد گھمن ،چوہدری عدیل احمدورک ، محمد اعظم شیخ ،محمد احمد مقبول ،عزیر احمد قریشی ،محمد شفیق وڑائچ،محمد عرفان شیخ ، مرزا محمد سلیم ، ظہیر احمد قریشی ،میاں سلامت علی ،شیخ محمد اشفاق اورسید علی حسن زیب سمیت معززین علاقہ کی کثیر تعداد نے شرکت کی ۔تقریب سے خطاب کرتے ہوئے حافظ سعادت حیات نے کہا کہ ہر سال دنیا بھر میں تمباکو نوشی سے ہزاروں لوگ مرجاتے ہیں لیکن اس کے باوجود لوگ تمباکو نوشی ترک نہیں کرتے جس کی بنیادی وجہ تمباکو نوشی کے نقصانات سے آگاہی کا نہ ہونا ہے ۔عام آدمی کو تمباکو نوشی سے پیدا ہونے والی بیماریوں کے بارے میں وہ معلومات حاصل نہیں جو ہونی چاہیں ۔سگریٹ کا دواں اس شخص کیلئے زیادہ خطرناک ہے جو سگریٹ نہیں پیتا ۔عام طور پر لوگ اپنے گھر وں میں بیٹھ کر سگریٹ نوشی کرتے ہیں جس سے یہ عادت ان کے بچوں تک منتقل ہوجاتی ہے ۔عام طور پر دیکھا گیا ہے کہ نشہ میں مبتلا افراد کی ابتدا بھی سگریٹ نوشی سے شروع ہوتی ہے اورا ختتام ایک بیانک موت کی صورت میں نظر آتا ہے ۔تمباکو نوشی کو کم کرنے کیلئے حکومت کی طرف سے قوانین تو بنا دیئے جاتے ہیں لیکن ان پر عمل درآمد نہیں کروایا جاتا ۔تما م پبلک مقامات ،ریلوے اسٹیشن ،بس سٹینڈ اور سرکاری دفاتر میں سگریٹ نوشی پر پابندی عائید ہے لیکن ان تمام جگہوں پر کھلے عام سگریٹ نوشی کرکے قوانین کی خلاف ورزی کی جاتی ہے ۔سماجی تنظیمیں اور میڈیا تمباکو نوشی کے نقصانات کے بارے میں لوگوں کو آگا ہ کرنے میں اپنا کردار اداکریں اور حکومت پاکستان تمباکونوشی کے خلاف بنائے گے قوانین پر عمل درآمد کروانے کیلئے اقدامات اٹھائے ۔
