7فروری 2014فاروق آباد کو ڈویلپمنٹ کے نام پر اپروچ روڈپر ریلوے چوک سے ریلوے پھاٹک تک سٹرک کے دونوں جانب موجود دوکانوں کو مسمار کردیا گیاجس سے بہت سے غریب دوکاندار بے یارو مددگار سڑک پر آگئے حکومتی وعدوں کے باوجود غریب متاثرین ابھی تک دربدر کی ٹھوکریں کھا رہے ہیں انہیں ابھی تک دوکانوں کیلئے متبادل جگہ فراہم نہیں کی گئی۔ ایک شہری کی طرف سے بنائے گے ماڈل نقشہ کے مطابق دوکانوں کی تعمیر کی جائے توباقی ماندہ سبھی متاثرین کو دوکانیں مل جائیں گی اور واپڈا دفتر بھی اسی جگہ بدستور قائم رہے گا اور کسی کی حق تلفی نہیں ہوگی۔ فاروق آباد اپروچ روڈ،ریلوے چوک سے صفانوالہ چوک تک قابل دید منظر پیش کرے گا۔ متاثرین نے وزیر اعظم پاکستان میاں محمد نواز شریف ،وزیر اعلیٰ پنجاب میاں محمد شہباز شریف ،ڈی سی او شیخوپورہ راشد کمال ،ایم این اے سردار محمد عرفان ڈوگر ،ایم پی اے چوہدری سجاد حیدر گجر سے مطالبہ کیا ہے کہ ماڈل نقشہ کے مطابق دوکانوں کی تعمیر کروا کر متاثرین کو ان کا حق دیا جائے ۔
