فاروق آباد (ایف یو نیوز) جعلی اور غیر معیاری ادویات کی بھر مار ،نشہ آور ادویات اور انجکشن کی فروخت ،ڈرگ انسپکٹر اور محکمہ ہیلتھ،ضلعی انتظامیہ اپنا حصہ لے کرخاموش تماشائی بن گئی۔ بتایا گیا ہے کہ فاروق آباد اور گردونواح میں موجود سینکڑوں میڈیکل سٹور اور عطائی ڈاکٹروں کے کلینک میں جعلی اور غیر معیاری ادویات کی کھلے عام فروخت جاری ہے جسے دیکھ کر اندازہ لگایا جاسکتا ہے فاروق آباد میں قانون نام کی کوئی چیز نہیں جعلی ،غیر معیاری ادویات کی بے دریغ فروخت سے امراض میں مزید اضافہ ہورہا ہے عام سادہ لوح مریض سستے علاج معالجہ کیلئے میڈیکل سٹور ز اور عطائی ڈاکٹروں کے کلینک کا رخ کرتے ہیں،نشہ آور ادویات اور انجکشن کی فروخت عام نظر آرہی ہے چرس ،پوڈر اور افیون کا نشہ کرنے والے افراد اب نشہ آور ادویات اور انجکشن کا استعمال کررہے ہیں ڈرگ انسپکٹر اور محکمہ ہیلتھ کے ملازمین تمام میڈیکل سٹورز اور عطائی کلینکس سے لاکھوں روپے منتھلی وصول کرتے ہیں اورکبھی کبار ایک دو سٹورز کا چلان کرکے اخبارات میں خبریں لگواکر کاغذی کاروائی کرکے اعلیٰ حکام کی آنکھوں میں دھول جھونک رہے ہیں شہریوں نے وزیر اعلیٰ پنجاب میاں شہباز شریف اور ڈی سی او شیخوپورہ سے اوراعلیٰ حکام سے اپیل کی ہے کہ غیر قانونی دھندو ں کو بند کرکے اس میں ملوث محکمہ ہیلتھ کے ملازمین اور دیگر افراد کے خلاف سخت کاروائی عمل میں لائی جائے ۔
