فاروق آباد(ایف یو نیوز) محکمہ نہر کے ملازمین کا احتجا ج آج چوتھے روزبھی جاری رہا ،ملازمین نے نہر کیو بی لنک سے لاری اڈہ تک احتجاجی ریلی نکالی اور پی سی ہیڈ کوارٹر کی انتظامیہ کے خلاف سخت نعرے بازی کی ،صدر آل پنجاب لیبر فیڈریشن چوہدری خوشی محمداور ایپکا ضلع شیخوپورہ کے سرپرست اعلیٰ چوہدری جاوید اقبال ڈھلو نے مظاہرین سے خطاب کرتے ہوئے کہا کہ کتنی زیادتی ہے کہ کینال کالونی فاروق آباد کے حقیقی مالک ہم ہیں اور ہمیں ہمارے دفاتر اور گھروں سے نکال دیا گیا ہے ،گڈگورنس کا ڈھول پیٹنے والے دیکھیں محکمہ نہر کے ہزاروں ملازمین کے ساتھ زور زبردستی ہو رہی ہے اور پولیس کے اعلیٰ حکام خاموش تماشائی کا رول ادا کررہے ہیں چوہدری خوشی محمد نے وزیر اعلیٰ پنجاب میاں شہباز شریف اور آئی جی پنجاب سے مطالبہ کیا کہ محکمہ نہر کے ملازمین کے جائز مطالبات کو فوری طور پر تسلیم کرتے ہوئے کینال کالونی فاروق آباد کی زمین پر سے پنجاب پولیس ہیڈ کوارٹر ختم کیا جائے اور ہمیں اپنے گھروں اور دفاتر میں آنے جانے کی آزادی دی جائے مطالبات کی منظوری تک احتجاج جاری رہے گا ۔
