فاروق آباد (ایف یو نیوز) انشورنس کمپنی کے منیجرکو اغواکرکے بازو توڑ دیا ،پولیس سائرن کی آواز سن کراغواء کار فرار۔ تھانہ صدر پولیس نے ملزمان کے خلا ف اغواء کی دفعہ 365کے تحت مقدمہ درج کرلیا ۔ دیدہ دانستہ طور پر تفتیشی نے ملزمان سے ساز باز کرکے انہیں ریلیف دیا ہے اور مقدمہ میں
365A
کی دفعہ شامل نہیں کی گئی۔ متاثرہ افراد کا ڈی پی او شیخوپورہ سے دادرسی کا مطالبہ ۔بتایا گیا ہے کہ محلہ رسول پورہ فاروق آباد کا رہائشی محمدنفیس ولد محمد بوٹاایک معروف انشورنس کمپنی میں بطور سیلز مینجر فرائض سر انجام دے رہا ہے نامعلوم ملزمان نے انشورنس کروانے کے بہانے ماچھیکے پٹرول پمپ پربلوایا جس پرمنیجر محمد نفیس ،ہمراہ سیلز آفیسر صابر علی ،ڈرائیورافتخار احمدکارمیں سوار ہوکر تھانہ صدر شیخوپورہ کے علاقہ ماچھیکے پٹرول پمپ پر پہنچ گئے جہاں پر پہلے سے موجود گھات لگائے ملزمان انہیں اغواء کر لیا اغواء کارملزمان تشدد کے ساتھ منیجر سے ایک کروڑ روپے تاوان کا مطالبہ کرتے رہے جبکہ اسی دوران قریبی سڑک پر پولیس سائرن کی آواز آئی اور کسی نے کہا کہ پولیس آگئی ہے اور اغواء کارفرار ہوگئے تھانہ صدر شیخوپورہ پولیس نے مقدمہ نمبر407/16 درج کیا ہے لیکن اس میں دیدہ دانستہ طور پر تفتیشی نے ملزمان سے ساز باز کرکے انہیں ریلیف دیا ہے اور مقدمہ میں
365A
کی دفعہ شامل نہیں کی گئی ۔ملزمان بھتہ خور ،منشیات فروش ،ڈبہ اسٹیشن مالک ،بااثر اور جرائم پیشہ ہیں تھانہ صدر سے ان کو تمام تر معلومات(ریکی ) دی جارہی ہے اور سائل کو فون پر سنگین نتائج کی دھمکیاں دی جارہی ہیں۔ متاثرہ افراد نے ڈی سی او شیخوپورہ سے تحریری درخواست میں مطالبہ کیا ہے کہ مقدمہ ہذا میں
365A
کی دفعہ شامل کرکے میری جان کو قانونی تحفظ دیا جائے ۔
