فا رو ق آ با د ( ایف یو نیوز) ڈی سی او شیخوپورہ ارقم طارق کے حکم پر ٹی ایم او شیخوپورہ زبیر وٹو ،ٹی او آر چوہدری محمدطاہر گجر نے بلدیہ فاروق آباد کے رانا محسن ،میاں راحت ،سید مصطفےٰ بخاری،رفاقت علی اور درجنوں ورکرز کے ہمراہ تجاوزات کے خلاف آپریشن کا آغاز کر دیا ،درجنوں ریڑھی بان ،پھٹے بلدیہ نے اپنے قبضہ میں لے لیئے دوکانداروں نے تجاوزات اس حد تک بڑھائی ہوئی تھیں کہ عام لوگوں کا سڑک پر پیدل چلنا محال ہوچکا تھا ،لاری پر ٹریفک کا جام رہنے کی بڑی وجہ سڑک پر دونوں اطراف میں بڑھی ہوئی تجاوزات ہیں تاہم لاری اڈہ پر واقع 224 کے وی کے گریڈ اسٹیشن کے ساتھ ساتھ درجنوں کھوکھے قائم ہوچکے ہیں جو ناجاتجاوزات کے ساتھ ساتھ انتہائی حساس تنصیبات کیلئے خطرہ ہیں جو کسی بھی وقت دہشت گردی ،انتہا پسندی کا باعث بن سکتی ہیں اس لیئے ضروری ہے کہ گریڈ اسٹیشن کی دیوار کے ساتھ قائم تجاوزات کو فوری طورپر ہٹایا جائے اس موقع پر صحافیوں سے بات چیت کرتے ہوئے ٹی ایم او زبیر وٹو نے کہا کہ عوام کو پریشان کرنے اور ٹریفک کی روانی کو متاثر کرنے والی تجاوزات کو ہر صورت ہٹیا جائے گا جبکہ ٹی او آر محمد طاہر گجر نے کہ تجاوزات کوہٹانے کے عمل میں کسی قسم کو سیاسی دباو قبول نہیں کیا جائے اور چند روز تک مین بازار میں بھی آپریشن کیا جائے گا ۔
