فا رو ق آ با د (ایف یو نیوز ) ڈیر ہ ملاسنگھ میں گیس کنکشن جاری کیئے جائیں اہلیان علاقہ کا وزیر اعظم پاکستان میاں محمد نواز شریف سے مطالبہ ،بتایا گیا ہے کہ لاہور سرگودھا روڈ پر واقع ڈیرہ ملاسنگھ کئی سالوں سے سوئی گیس کی سہولت سے محروم ہے جبکہ قریبی دیہات اور ڈیرہ جات پر گیس کی سہولت موجود ہے جبکہ ڈیرہ ملاسنگھ کے عوام کے ساتھ نارواسلوک کیا جارہا ہے لوگوں کا کہنا ہے کہ مین پائپ لائن سے دور چھوٹے چھوٹے علاقوں میں کنکشن جاری کردیئے گے ہیں جبکہ ڈیرہ ملاسنگھ کثیر آبادی والا علاقہ ہے اور مین روڈ اور پائپ لائن کے اوپر واقع ہونے کے باوجود گیس کنکشن نہیں دے جارہے ماسٹر نثار احمد خان ،میاں عبدالوحید آرائیں ،حافظ آصف سہیل اور دیگر معززین نے کہا ہے کہ مقامی ایم این اے اور ایم پی اے کو ڈیرہ ملاسنگھ کی تعمیر ترقی میں کوئی دلچسپی نہیں ہے اس لیے وزیر اعظم پاکستان کو تحریری طورپر اپیل ہے کہ وہ اپنے ثوابدیدی اختیارات کو استعمال کرتے ہوئے ڈیرہ ملاسنگھ میں فوری طور پر گیس کنکشن جاری کیئے جائیں ۔
