فاروق آباد (ایف یو نیوز) چنگ چی رکشہ کی بھر مار لاری اڈہ فاروق آباد پر پیدل چلنا محال ہو گیا ۔مقامی تاجر برادری نے اصلاح و احوال کیلئے ڈی سی او شیخوپورہ،ڈی پی او شیخوپورہ اور ڈی ایس پی ٹریفک پولیس سے مدد کی اپیل کردی ،بتایا گیا ہے کہ لاری اڈہ پرغیر قانونی طور پرقائم چنگ چی رکشہ سٹینڈ کی وجہ سے ٹریفک کا جام رہنا معمول بن گیا ،چنگ چی رکشاؤں کی بھرمار پیدل چلنا بھی مشکل ہوگیا ، انجمن تاجران لاری اڈہ،ملک ذوالفقار اعوان ،محمد عاصم ،آفاق احمد ،مرزا اعجاز ،مرزا محمد ادریس ،مرزا انجم ،حاجی محمد افضل گجر اور مبشر حیات رندھاو ا نے میڈیا کو بتایاکہ چنگ چی رکشے صبح سویرے ہی دوکانوں ،گھروں اور کاروباری مراکز کے آگے کھڑے ہو جاتے ہیں جس کی وجہ سے دونداروں اور کسٹمرز کو شدید پریشان کا سامنا کرنا پڑتا ہے اور اکثر اوقات رکشہ ڈرائیور ز اور دوکانداروں کے مابین جھگڑے ہوتے رہتے ہیں رکشے سٹرک کے دنوں جانب کھڑے ہوجاتے ہیں جس سے سٹرک کی وسعت ختم ہوجاتی ہے اور ٹریفک تعطل کا شکار ہوجاتی ہے کسٹمرپارکنگ نہیں کرسکتے اہلیان علاقہ نے ڈی سی او شیخوپورہ ،ڈی پی او شیخوپورہ اور ڈی ایس پی ٹریفک سے اصلاح و احوال کا مطالبہ کیا کہ چنگ چی رکشہ سٹینڈ کو متبادل جگہ فراہم کی جائے تاکہ ان کا روزگار بھی متاثر نہ ہو اور ٹریفک کے ساتھ ساتھ لاری اڈہ کے تاجروں کے تحفظات بھی ختم ہوجائیں ۔
