فاروق آباد (ایف یو نیوز) دولتانہ کی مقامی فلاحی تنظیم کے زیر اہتمام20مستحق اور نادار بچیوں کی اجتماعی شادیوں کی تقریب مقامی ہوٹل میں منعقد کی گئی ہر جوڑے کو 1لاکھ وپے کا جہیز دیا گیا صدر تنظیم شیخ محمد ساجد نے بچیوں کے سرپردست شفقت رکھ کر انہیں رخصت کیاتفصیلات کے مطابق فلاحی تنظیم کی جانب سے تقریب کا انعقاد کیا گیا جس میں ڈائریکٹر جنرل کیبنٹ ڈویثرن علی اکبراعوان،ڈائریکٹر جنرل سی ڈی اے آصف شاہجہان،ایم پی ایزیب النساء ،بریگیڈئر حیدر ملک،سابق سی ٹی او راولپنڈی اشتیاق حسین شاہ ،سابق صوبائی وزیر چوہدری محمد ریاض،تحریک انصاف کے رہنما چوہدری محمد عظیم ،نائلہ جدیال،گوہر حیات،عالمگیر خان،چئیرمین یو سی دولتانہ سید قلب عباس،چوہدری جمشید علی،مسلم لیگی رہنما،راجہ نعیم نواز،چوہدری ضیافت حسین،چیف آفیسر ٹی ایم اے چاند مبین ،وائس چئیرمین دولتانہ شیخ سوید احمد سمیت سیاسی و سماجی شخصیات و سرکاری افسران میڈیا کے نمائندوں اور عمائدین کی ایک بڑی تعداد نے شرکت کی فاؤنڈیشن کے سربراہ شیخ محمد ساجد المعروف سیٹھ عابد کا کہناتھا کہ زندگی کا مقصد خلق خدا کی خدمت ہے محروم اور پسے ہوئے طبقے کیلئے کام کی مزید ضرورت ہے مخیر حضرات اس کار خیر کا دائرہ کار بڑھانے کیلئے اپنا کردار ادا کریں اس موقع پر انہوں نے سال 2017کیلئے اجتماعی شادیوں کے پروگرام کا باقاعدہ اعلان بھی کیا ان کا کہنا تھا کہ اگر اللہ تعالیٰ نے توفیق عطا کی تو اگلے سال زیادہ تعداد میں مستحق اور ناداربچیوں کی شادیاں عمل میں لائی جائے گی
