فاروق آباد (ایف یو نیوز)اوباش نوجوان نے شریف فیملی کی خواتین کو تنگ کرنا اپنا وطیرہ بنا لیا ہے ۔ تفصیلات کے مطابق مرزا بابر شیرنے میڈیا سے گفتگو کرتے ہوئے کہا کہ میں اپنی فیملی کے ہمراہ رکشہ پر بیٹھ کر تھانہ صدر کے علاقہ ٹھٹھہ قادر شاہ سے فاروق آباد آ رہے تھے کہ دو موٹر سائیکل سوار افراد ان کا پیچھا کرنے لگے اور رکشہ پر بیٹھی خواتین کو تنگ کرنا شروع کر دیا عورتوں پر آوازیں کسنے لگے ۔ جب وہ باز نہ آئے تو انہوں نے رکشہ پر بیٹھے اپنے بھائی سے کہا کہ یہ موٹر سائیکل سوار ہم کو تنگ کر رہے ہیں جب رکشہ پولیس چوکی سچا سودا پر پہنچا تو مرزا بابر نے نوجوانوں سے پوچھا کہ میری فیملی کو کیوں تک کر رہے ہو۔ وجہ پوچھی گئی تو دونوں لڑکے مجھ سے لڑنے جھگڑنے لگے اور جب میری بیوی اور بہن مجھ کو چھڑانے کیلئے آئیں تو ان اوباشوں نے ان کو بھی مارا اور قتل کی دھمکیاں دینے لگے ۔ ایک لڑکا جس نے اپنا نام قیصر رحمان (فوجی)سکنہ پرانا نوکھر فاروق آباد کا رہائشی بتا یا ہے کہ میں حساس ادارے کا ملازم ہو ں تم میرا کچھ بھی نہیں بگاڑ سکتے ۔ میری بیوی اور بہن سے ایک عدد موبائل فون ایس3سام سنگ اور نقدی 4700روپے بھی لے گئے ۔متاثرین نے چیف آف آرمی سٹاف جنرل راحیل شریف ،وزیر اعلیٰ پنجاب میاں شہباز شریف ، ڈی پی او شیخوپوراور اعلیٰ حکام سے اپیل کی ہے کہ قیصررحمان اور اس کے ساتھی کے خلاف عورتوں کو ہراساں کرنا ، قتل کی دھمکیاں دینا ۔ سرے راہ ڈکیتی کرنے کی پاداش میں انکوائری کر کے ان کو کیفر کردار تک پہنچایا جائے ۔
