حضرت علیؓ بلند پایہ شخصیت کے مالک اور بے مثل انسان تھے۔ پیر سید خاور علی شاہ
فاروق آباد(ایف یو نیوز)تفصیلات کے مطابق آستانہ عالیہ حسینی قلندری مقامی سبحان شادی ہال فاروق آباد میں جشن آمد برادررسولﷺ مولائے کائنات حضرت علی کرم اللہ وجہہ کی یوم ولادت کے سلسلہ میں خصوصی محفل منعقد ہوئی ۔ پیر سید واجد علی شاہ جلالی قلندری المعروف حق علی سرکارسلسلہ عالیہ حسینیہ قلندریہ آف ملتان شریف کی زیرصدارت محفل پاک منعقد ہوئی ۔ محفل پاک ، تلاوت کلام پاک ، نعت شریف سے شروع ہوئی اور قوالی کے بعد علماء مشائخ نے خطاب کیا اورمولائے کائنات حضرت علی کرم اللہ وجہہ کی بارگاہ میں خراج تحسین پیش کیا ۔ اس موقع پر پیر سید واجدعلی شاہ حسینی قلندری آف ملتان شریف ، اور پیر سید خاور علی شاہ حسینی قلندری المعروف سید فقیر شاہ لاڑا سلسلہ عالیہ حسینیہ قلندریہ نے میڈیا سے گفتگو کرتے ہوئے کہاکہ حضرت علی کرم اللہ وجہہ کی زندگی تمام مسلمانوں کیلئے مشعل راہ ہے جنہوں نے اسلام کیلئے لازوال قربانیاں پیش کر کے رہتی دنیا تک مثال قائم کر دی ۔ اور حضرت علی کرم اللہ وجہہ بلند پایہ شخصیت کے مالک اور بے مثل انسان تھے بے مثال اسلامی خدمات کا ہر مسلمان معترف ہے بلا شبہ وہ ایک عظیم رہبر اور رہنما تھے نبی کریم ﷺفرماتے ہیں کہ مولائے کائنات حضرت علی کرم اللہ وجہہ سب سے اچھے فیصلہ کرنے والے صحابی تھے ۔ اس محفل پاک کے مہمان خصوصی پاکستان مسلم لیگ (ن)کے سنیئر نائب صدر شیخوپورہ سید سجاد حسین شاہ بخاری (بخاری ٹریولز والے )تھے ۔ محفل پاک میں پیر سید بابر علی شاہ حسینی قلندری ،پیر سید ماجد علی شاہ حسینی قلندری، پیر سید خاور شاہ حسینی قلندری کے ہزاروں مریدین عورتوں بچوں نے شرکت کی ۔ اور لنگر حسینی کا وسیع انتظام کیا گیا اور اختتام پر اتحاد امت ، عالم اسلام ، ملکی سلامتی اور استحکام اور حاضرین محفل کے لئے خصوصی دعائیں کی گئیں۔
