فاروق آباد (ایف یو نیوز)فاروق آباد میں نادرا آفس کی منتقلی خواب بن کے رہ گئی ہے ،کاغذات کی حد تک آفس بن چکا ہے اور اس کا فرنیچر اور دیگر سازوسامان نادرا آفس شیخوپورہ میں گل سڑ رہا ہے نادرا کے اعلیٰ حکام کی عدم دلچسپی کی وجہ سے فاروق آباد کے دو لاکھ افراد اس سہولت سے محروم ہیں اور28کلومیٹر کا سفر کرکے نادرا آفس شیخوپورہ جاتے ہیں اور قطاروں میں لگ کر ذلیل خوار ہو کر شناختی کارڈ بنوانے پر مجبور ہیں جبکہ شناختی کارڈ آفس کیلئے فاروق آباد میں درجنوں سرکاری و غیر سرکاری جگہیں موجود ہیں ،جن میں تھانہ صدر کا وسیع پلاٹ ،میونسپل لائبریری،چیف آفیسر بلدیہ کی خالی رہائش، میونسپل ڈسپنسری ،آر ایچ سی فاروق آباد ،انٹر کالج فاروق آباد قابل ذکر ہیں سیاسی سماجی ادبی تنظیموں اور شہریوں کی کثیر تعداد نے مقامی ایم این اے سردار محمد عرفان ڈوگر ،ایم پی اے چوہدری سجاد حیدر گجر ،ضلعی انچارج نادرا آفس اور ڈی سی او شیخوپورہ سے اپیل کی ہے کہ فاروق آباد میں نادرا آفس کیلئے جگہ کا انتخاب /انتظام کرکے نادرا آفس فاروق آباد میں قائم کیا جائے ۔
