فاروق آباد (ایف یو نیوز)ڈی ایچ کیوالنور کمپلیکس ہسپتال کینال کالونی کرپشن کا گھڑ بن گیا ،ڈاکٹر کرپشن اور بد عنوانی میں ملوث ہیں اور پرائیویٹ بندے کو بٹھا کرمفلس مریضوں سے100روپے پرچی فیس وصول کررہا ہے ۔پاکستان محمدی پارٹی کے سربراہ مہربان سائیں عبدالغفور میاں نے وزیر اعلیٰ پنجاب ،اور سیکرٹری ہیلتھ پنجاب کو تحریری درخواست میں بتایا کہ وزیر اعلیٰ پنجاب میاں محمد شہباز شریف کی خصوصی توجہ سے 2کروڑ روپے مالیت سے زائدکی پبلک پراپرٹی کو قبضہ گروپ سے وا گزار کروا کر ’’ڈی ایچ کیو النور کمپلکس ہسپتال کینال کالونی فاروق آباد ‘‘بنایا گیا تھا جو کچھ عرصہ بہتر حالت میں چلنے کے بعد اب بیڈایڈمنسٹریشن کی وجہ سے تباہی و بربادی کی طرف گامزن ہے ڈاکٹر و دیگر عملہ سرکاری ادویات کے لیبل اتار کر اپنے ذاتی کلینک میں فروخت کرتے ہیں ڈاکٹر کرپشن اور بد عنوانی میں ملوث ہیں اور پرائیویٹ بندے کو بٹھا کرمفلس مریضوں سے100روپے پرچی فیس وصول کررہا ہے ۔ڈاکٹر ڈیوٹی پر حاضر نہیں آتے ان کی جگہ پر ایک پرائیویٹ آدمی جو قبضہ گروپ سے وابستگی رکھتا ہے مریضوں کو چیک کرتا ہے اور اپنی ادویات اور آنکھوں کے لینز فروخت کرتا ہے اور سرکاری ہسپتال میں اپنا پرائیویٹ بزنس کر رہا ہے ڈاکٹرمحمد سرور مریض خواتین کا الٹرا ساؤنڈ کرتا ہے قبضہ گروپ نے ہسپتال میں دوبارہ اپنا دفتر کھول لیا ہے ۔مہربان سائیں عبدالغفور میاں نے وزیر اعلیٰ پنجاب سے اپیل کی کہ اس خیراتی سرکاری ہسپتال کوکرپشن تباہی سے بچائیں کیونکہ اس میں روزانہ 300سے زائد غریب نادار اور متوسط طبقہ کے مریض مفت علاج معالجہ اور ادویات حاصل کررہے تھے ہسپتال ہذا ڈی سی او شیخوپورہ ارقم طارق ،ای ڈی او ہیلتھ شیخوپورہ سید محمد حسین نقوی اور ایم ایس ڈی ایچ کیو شیخوپورہ مسٹر ڈاکٹر قمبر ضیا کی عدم دلچسپی اور بیڈ ایڈمنسٹریشن کی وجہ سے دوبارہ تباہی وبربادی کی طرف گامزن ہے ہسپتال میں فرض شناس ،ایماندار اور مریض دوست عملہ تعینات کیا جائے ہسپتال کو روزانہ کی بنیاد پر مانیٹر کرنے کے احکامات جاری کیئے جائیں اور کرپٹ ملازمین کے خلاف محکمانہ کاروائی عمل میں لائی جائے ۔
