فاروق آباد(ایف یو نیوز)صدر مسلم لیگ (ن) فاروق آباد محمد اعجاز قادر چیمہ نے کہا ہے کہ روشنیوں کے شہر کراچی میں کئی سالوں سے جاری خون کی ہولی ختم ہو نے کو ہے ،قائد مسلم لیگ میاں محمد نواز شریف نے جنرل راحیل شریف سے مل کر دہشت گردوں کی کمر توڑ دی ہے اور یہ عظیم کارنامہ سابقہ حکمرانوں کے نصیب میں نہیں کیونکہ انہوں نے اقتدار صرف اپنے خاندانوں کو نوازنے اور کمیشن بنانے کیلئے حاصل کیا تھااور زرداری اور اس کے حواری اپنا وقت پورا کرتے رہے انہوں نے 20کروڑوعوام کی خدمت نہیں کی ملک میں خون کی ہولی اور کرپشن لوٹ کھسوٹ کو فرو غ دیا قومی خزانے کو شدید نقصان پہنچایا اور دہشت گردوں کے سہولت کاروں کو حکومتی سپورٹ کی اور آج ان کے اعمال نامے ان کے سامنے کھولے جارہے ہیں،اعجاز قادر چیمہ نے مزید کہا کہ آرمی چیف کی دلیرانہ کاروائی کی وجہ سے کراچی میں خون ریزی بند ہوچکی ہے دہشت گرد بھاگ رہے ہیں اور کرپشن بد عنوانی کی بہتی گنگارک چکی ہے جس پر پاکستان کے عوام آرمی چیف کے شکر گذار انہیں خراج تحسین پیش کرتے ہیں ۔
