سکیورٹی انتظاما ت کو بہتر بنانے کیلئے اداروں کے سربراہان اپنابھر پور کردار ادا کریں: ڈی سی او شیخوپورہ ارقم طارق
فاروق آباد (ایف یو نیوز )وزیر اعلیٰ پنجاب کی ہدائیت پر صوبائی سیکرٹری عشر و زکوۃ حبیب الرحمن گیلانی ، صوبائی سیکرٹری پنجاب امتیاز کیانی صدر لیبر ونگ پنجاب سید مشتاق حسین شاہ اور ڈی سی او شیخوپورہ ارقم طارق اور ایم ایس سید قنبر ضیاء اور اے ایم ایس ڈاکٹر سعید ساجد نے فاروق آباد کے مختلف تعلیمی اداروں اور شہباز شریف چلڈرن کمپلیکس کا دورہ کیا اور سکیورٹی انتظامات کا جائزہ لیا۔ انہوں نے متعلقہ حکام کو سرکاری و غیر سرکاری سکولوں اور ہسپتالوں کی سکیورٹی انتظامات مزید سخت کرنے کی ہدایت جاری کیں۔ اس موقع پرصوبائی سیکرٹری پنجاب عشر و زکوۃ حبیب الرحمن گیلانی اور امتیاز کیانی اور ڈی سی او شیخوپورہ ارقم طارق اور سید مشتاق حسین شاہ نے میڈیا سے گفتگو کرتے ہوئے کہا کہ طالب علم اس ملک و قوم کا قیمتی سرمایہ ہیں۔ وزیر اعلیٰ پنجاب میاں شہباز شریف کے انتہائی مشکور ہیں جو طلباء کی سکیورٹی کیلئے خاطر خواہ انتظامات کر رہے ہیں۔ بعد ازاں صوبائی سیکرٹریز حبیب الرحمن گیلانی ، امتیاز کیانی اور سید مشتاق حسین شاہ نے شہباز شریف چلڈرن کمپلیکس کا دورہ کیا انہوں نے شہباز شریف مدر اینڈ چلڈرن کمپلیکس کے بلڈ بینک ، الٹرا ساؤنڈ سیکشن، ایکسرے سیکشن ، لیبارٹری ، گائنی ،بچہ وارڈ اور مختلف شعبوں کا معائنہ کیا اور حکومت پنجاب تعلیم اور صحت کے حوالے سے موثر اقدامات کر رہی ہے حکومتی پالیسی کے مطابق بہتر کارکردگی کا مظاہرہ نہ کرنے والے اداروں کے سربراہان کے خلاف سخت کاروائی عمل میں لائی جائے گی ۔سکیورٹی انتظاما ت کو بہتر بنانے کیلئے اداروں کے سربراہان اپنابھر پور کردار ادا کریں اور ڈسٹرکٹ ہیڈ کوارٹر ہسپتال ایم ایس سید قنبر ضیاء اور اے ایم ایس چلڈرن کمپلیکس ڈاکٹر سعید ساجد نے بریفنگ دی اور ایم ایس سید قنبرضیاء شیخوپورہ نے اعلیٰ حکام کو شیخوپورہ ہسپتال کو مزید اپ گریڈ کر نے کی یقین دہانی کروائی۔
