فاروق آباد (ایف یو نیوز )فاروق آباد میں مکمل شٹر ڈاؤن ہڑتال شہر غازی ممتاز قادری کے نعروں سے گونج اٹھابتایا گیا ہے کہ ممتاز حسین قادری کی شہادت پرآج دوسرے روز بھی احتجاج کا سلسلہ جاری رہا ،مرکزی انجمن تاجران کے صدر محمد اعظم شیخ ،شیخ شہزاد انجم ایڈووکیٹ ،صدر تاجران لاری اڈہ اپروچ روڈ محمد احمد مقبول،مولانا عباد رضا وٹو اور مذہبی جماعتوں کی اپیل پر شہر بھر میں تمام کاروباری مراکز بند رہے اور تمام مارکٹیں بند رہیں مکمل ہڑتال کی وجہ سے ٹریفک کم رہی اور گلیاں بازاروں میں سناٹا طاری رہا ،ممتاز قادری کو خراج تحسین پیش کرنے اور حکومتی وقت کی مذمت کیلئے تاجر برادری اور علماکرام اور سیاسی مذہبی ،ادبی صحافتی تنظیموں کا مشترکہ احتجاجی جلوس میلاد چوک سے آغاز ہو جو لاری اڈہ پر اختتام پذیر ہوا جلو س میں فاروق آباد اور گردونواح سے ہزاروں افراد نے شرکت کی اس موقع پر علماء اکرام نے خطاب کرتے ہوئے کہا کہ عاشق رسول ﷺ ملک ممتاز حسین قادری کو شہید کرنا ( پھانسی دینا) حکمرانوں کی بزدلی اور نااہلی ہے انہوں نے ثابت کردیا ہے کہ یہ یہودونصاریٰ کے پیروکار ہیں اور ملک کو سیکولر بنانا چاہتے ہیں شہید کی جو موت وہ قوم کی حیات ہے عاشق رسول ﷺ ممتاز قادری مسلمانوں کے دلوں میں ہمیشہ زندہ رہیں گے علماء نے اپنے مخصوص انداز میں ملک ممتاز قادری شہید ؒ کو زبردست الفاظ میں خراج تحسین پیش کیا اور کہا کہ غازی ملک ممتاز حسین قادری کی شہادت تاقیامت یاد رکھی جائے گی ۔
