ہیڈ ماسٹر اور دیگر ٹیچرز نے سکول ریکارڈ میں ردو بدل /ٹیمپرنگ کرکے سیکورٹی گارڈ کی تنخواہ بند کر وادی ،ٹی بی کے مرض میں مبتلا سیکورٹی گارڈ تنخواہ نہ ملنے کی وجہ سے بستر مرگ پر جا پہنچا علاقہ کی سیاسی سماجی اور انسانی حقوق کی تنظیموں نے وزیر اعلیٰ پنجا ب سے اصلاح واحوال کیلئے اپیل کردی تفصیلات کے مطابق گورنمنٹ پراجیکٹ ہائی سکول کینال کالونی فاروق آباد کے سیکورٹی گارڈشکور کو صرف اس بنیاد پر سکول سے نکال دیا گیا تھا کہ اس نے سکول میں ہونے والی بے انتہا کرپشن بد عنوانیوں کو اعلیٰ حکام کے سامنے بے نقاب کر دیا تھا اور بعد ازاں سکول کے ہیڈ ماسٹر اور دیگر ٹیچرز نے سکول ریکارڈ میں ردو بدل /ٹیمپرنگ کرکے سیکورٹی گارڈ کی تنخواہ بند کر وادی جو کہ ٹی بی کے خطرناک مرض میں مبتلا ہے اور اسے علاج معالجہ کی اشد ضرورت ہے دوائی کیلئے رقم نہ ہونے کے باعث سیکورٹی گارڈ بستر مرگ پر جا پڑا سیکورٹی گارڈ پر ہونے والے ظلم ستم پرعلاقہ کی سیاسی سماجی اور انسانی حقوق پر کام کرنے والی تنظیموں نے شدید احتجاج کیا ہے اور وزیر اعلیٰ پنجاب میاں محمد شہباز شریف سے مطالبہ کیا ہے کہ سکول ہذا کی بگڑتی ہوئی صورت حال کے پیش نظر ان واقعات میں ملوث ٹیچرز اور ہیڈ ماسٹر کا فوری طور پر تبادلہ کرکے غیر جانبدار اور ایماندار افسران سے انکوائری کروائی جائے اور کرپشن بد عنوانی میں ملوث افراد کے خلاف محکمانہ قانونی کاروائی عمل میں لائی جائے۔
