روٹری کلب آف سچا سودا کے صدر وسیم اسلم نے کہا کہ پولیو مہم کو کامیابی سے ہمکنار کرنے کے لیے روٹین امیونائزیشن پر توجہ دینا ہو گی۔ جب تک روٹین امیونائزیشن کا رزلٹ 80%تک نہیں پہنچتا۔ پولیو مہم کی کامیابی محض ایک خواب ہے ۔انہوں نے ان خیالات کا اظہار پنجاب پولیس ہیڈ کوارٹر میں انسداد پولیو کے حوالے سے منعقدہ اجلاس سے خطاب کرتے ہوئے کہا۔ اس موقع پر روٹری کلب کے صدر وسیم اسلم، جنرل سیکرٹری چوہدری غلام حسین، کوارٹر ماسٹر محمد ارشد، ملک اقبال عرف بالی، شہزاد احمد گل، ایس ایس پی ہیڈ کوارٹر پنجاب پولیس شریف جٹ، اور کاشف منصور بھٹی بھی موجود تھے۔ اس موقع پر روٹری کلب کے صدر وسیم اسلم نے مزید کہا کہ پولیو کے خاتمے کے لئے حکومت اور روٹری کلب ڈسٹرکٹ3272تمام وسائل بروئے کار لا رہی ہے۔ اس موقع پر پولیو کے خلاف واک کی گئی اور کبڈی میچ کروائے گئے۔
