فاروق آباد ( ایف یو نیوز)فاروق آباد میں غیر معیاری اور بدبودار مچھلی فروخت کرنے کے ٹھیلے لگ گئے ،چونگی نمبر3،گورونانک پورہ ،لاری اڈہ ،لب نہر ،اندورن شہر ،میلا د چوک اور ریلوے پھاٹک پر درجنوں مچھلی فروشوں نے دوکانیں سجا لیں ہیں جن میں کئی کئی دن کی باسی اور بد بودار مچھلی فروخت کی جارہی ہے۔ دوکاندار بدبودار مچھلی کو مختلف کیمیکل اور اجوئین لگا دیتے ہیں جس سے وقتی طور پر بد بو ختم ہو جاتی ہے شہریوں کا مطالبہ ہے کہ مچھلی فروخت کرنے کے اس سیزن میں ان ٹھیلوں کو مانیٹر کیا جائے اور خراب بدبودار ،مضر صحت مچھلی فروخت کرنے والوں کے خلاف کاروائی عمل میں لائی جائے ۔
