فاروق آباد ( ایف یو نیوز) پریس کونسل اور الیکٹرک میڈیا رپورٹرزایسوسی ایشن فاروق آباد کے زیر اہتمام سانحہ پشاور کی یاد میں تقریب منعقد ہوئی جس رانا حمید الرحمن ،چوہدری غلام حسین ،شہباز احمد گھمن ، چوہدری عدیل ورک، محمد اعظم شیخ،ظہیر احمد خان ،شفیق احمد انصاری ،مہران حیدر ،محمد عرفان رمضان ،حسنین صفدر ،خلیل احمد ،احتشام شامی ،ایس ایم شیرازی ،سید تقی رضا شاہ ڈاکٹر وسیم ،میاں سلامت علی ،عبدالخالق ورک،محمد ثاقب اور سید نوید حسین کاظمی نے خصوصی شرکت کی تقریب سے خطاب کرتے ہوئے سینئر صحافی بابر علی صدر پریس کونسل (رجسٹرڈ ) فاروق آباد نے کہا کہ سانحہ پشاورمیں شہید ہونیوالے طلبہ کی قربانیاں رائیگاں نہیں جائیں گی ۔ انہوں نے کہا کہ آرمی پبلک سکول کے سانحے نے پوری قوم کو متحد کر دیا ہے اور اب دہشت گردی کے خاتمے کے لئے ہر کوئی پرعزم ہے ۔ انہوں نے کہا کہ دہشت گرد تعلیمی اداروں میں خونی کارروائیاں کرکے قوم کا حوصلہ پست نہیں کر سکتے ۔ اس موقعے پر خطاب کرتے ہوئے چوہدری عدیل احمد ورک کا کہنا تھا کہ دہشت گردی کا خاتمہ وقت کی اہم ترین ضرورت ہے اور اس حوالے سے پوری قوم افواج پاکستان کے ساتھ ہے ۔ اس موقعے پر آرمی پبلک سکول کے شہید بچوں کی یاد میں ایک منٹ کی خاموشی اختیار کی گئی ۔تقریب میں طلبہ و طالبات ،اساتذہ سماجی سیاسی تنظیموں اور شہریوں کی کثیر تعداد نے شرکت کی۔
